Liam Delap është larguar nga Chelsea pas vetëm një sezoni dhe ka firmosur me Nottingham Forest, në një transferim që mund të arrijë deri në 50 milionë paund. Marrëveshja përfshin rreth 45 milionë paund si shumë fikse, ndërsa 5 milionë të tjera mund të paguhen në formën e bonuseve.
Sulmuesi 23-vjeçar ka nënshkruar një kontratë pesëvjeçare me Forest, duke u bërë transferimi më i shtrenjtë në historinë e klubit. Ai do të konkurrojë për një vend në sulm me Igor Jesus dhe Chris Ëood.
Delap iu bashkua Chelsea-t verën e kaluar nga Ipsëich Toën për rreth 30 milionë paund, por nuk arriti të siguronte një vend të rregullt në formacion. Në sezonin e tij te “Blutë”, ai realizoi vetëm tre gola në 47 ndeshje, duke mos përmbushur pritshmëritë e krijuara pas transferimit.
Para kalimit në “Stamford Bridge”, Delap kishte spikatur te Ipsëich. Në sezonin 2024/25, pavarësisht rënies së skuadrës nga Premier League, ai shënoi 12 gola në 37 paraqitje dhe ishte golashënuesi më i mirë i ekipit. Kjo paraqitje i siguroi transferimin te Chelsea.
Për Nottingham Forest, kjo është një goditje e rëndësishme në merkato dhe një investim rekord për një sulmues që klubi shpreson të rikthejë në formën që tregoi te Ipsëich.