Kreu i Partisë Demokratike, Sali Berisha, ka reaguar ndaj incidenteve gjatë protestave, duke akuzuar qeverinë se po ndërhyn ndaj protestuesve paqësorë.
Në një deklaratë për mediat, Berisha tha se bandat e Edi Ramës përmes Tom Doshit po sulmojnë protestuesit.
“Së dyti, duhet të dënoj me forcën më të madhe bandat e Edi Ramës, që nëpërmjet Tom Doshit, sulmojnë flamingot, sulmojnë protestuesit paqësorë”, deklaroi Berisha.
Ai iu drejtua edhe Tom Doshit, duke e akuzuar se është përdorur politikisht nga kryeministri Edi Rama.
“I rikujtoj Tom Doshit se ai është përdorur si mish për top me 21 janar dhe të heqë dorë nga keqpërdorimi si mercenar i Edi Ramës”, u shpreh Berisha.
Në vijim, kreu i PD-së deklaroi se partia e tij dënon çdo ndërhyrje ndaj protestave dhe u bëri thirrje demokratëve që t’i bashkohen lëvizjes qytetare jashtë strukturave partiake.
“PD dënon me forcën më të madhe çdo ndërhyrje të Edi Ramës ndaj lëvizjes paqësore rinore qytetare më të fuqishme që vendi ka njohur që nga vitet ’90”, tha Berisha.a.b
