Është ekstraduar nga Greqia drejt Shqipërisë Florjan Vuka, alias Vathaj, i shpallur në kërkim nga Prokuroria e Posaçme (SPAK), si pjesë e grupit kriminal të drejtuar nga Jetmir Papa, i hetuar për trafik ndërkombëtar droge.
Pas mbërritjes në Shqipëri, Vuka pritet të dalë përpara Gjykatës së Posaçme, ku do të shqyrtohen kushtet dhe vijimësia e masës së sigurisë ndaj tij. Për çështjen është caktuar me short elektronik gjyqtarja Alma Kodraliu.
Sipas hetimeve të SPAK, grupi kriminal ka shtrirë aktivitetin në Amerikën Latine, Belgjikë dhe Holandë dhe dyshohet se gjatë viteve 2019–2021 ka trafikuar sasi të mëdha kokaine në të paktën tetë episode.
Prokuroria e Posaçme pretendon se grupi ka trafikuar rreth 7.5 tonë kokainë nga Amerika Latine drejt Europës.
Hetimet për këtë grup kriminal vijojnë nën drejtimin e prokurorit Alfred Shehu.a.b
