Foto ilustruese
Një person i armatosur është konstatuar nga Policia gjatë kontrollit të një parcele ku dyshohet se ishin kultivuar bimë narkotike, në fshatin Kodërbojë të Pukës.
Sipas informacionit paraprak të Policisë, personi ka konstatuar efektivët dhe është larguar me shpejtësi, duke mos iu bindur urdhrit për të ndaluar.
Një prej punonjësve të Policisë ka qëlluar me armë zjarri në ajër për ta paralajmëruar, por personi i armatosur ka mundur të largohet, duke përfituar nga terreni.
Grupi hetimor, nën drejtimin e Prokurorisë, po punon për dokumentimin dhe sqarimin e plotë të rrethanave të ngjarjes.
Ndërkohë, shërbimet e Drejtorisë Vendore të Policisë Shkodër, Komisariatit të Policisë Pukë dhe Forcave Kombëtare të Sigurisë vijojnë kontrollet në zonë për identifikimin dhe kapjen e personit.a.b
