Një aksident ka ndodhur në Unazën e Madhe të Tiranës, në zonën e Farkës, pranë xhamisë, ku një kamion me rimorkio në pronësi të UKT-së ka dalë nga rruga dhe është përmbysur.
Mjeti drejtohej nga shtetasi M. P., rreth 58 vjeç, i cili është transportuar në spital për kontroll mjekësor.
Si pasojë e aksidentit janë lënduar edhe dy persona. Njëri prej tyre ka marrë dëmtime në shpatull, ndërsa tjetri në fytyrë. Të dy ndodhen jashtë rrezikut për jetën.
Për shkak të aksidentit, Policia ka devijuar qarkullimin për automjetet që lëvizin në drejtim të TEG-ut dhe Elbasanit, përmes mbikalimit të Farkës.m.k
