Një 48-vjeçar është shpëtuar pas më shumë se tetë orësh, pasi kishte mbetur i bllokuar në një humnerë në fshatin Kapaj të Mallakastrës.
Shtetasi F. S. dyshohet se ka rënë aksidentalisht në humnerë teksa po tentonte të rregullonte tubin vaditës të ujit. Pas rënies, ai ka mbetur i bllokuar dhe nuk ka mundur të dalë vetë.
Familjarët kanë njoftuar Policinë, e cila në bashkëpunim me shërbimet zjarrfikëse ka organizuar menjëherë operacionin për lokalizimin dhe nxjerrjen e 48-vjeçarit.
Pas ndërhyrjes së përbashkët, efektivët kanë bërë të mundur nxjerrjen e tij nga humnera, ku kishte qëndruar i bllokuar për më shumë se tetë orë.
48-vjeçari ka marrë dëmtime në pjesë të ndryshme të trupit dhe është transportuar në spital për të marrë ndihmën e nevojshme mjekësore.
