Një aksident i rëndë rrugor ka ndodhur në orët e para të mëngjesit të 19 gushtit, në një rrugë dytësore në Manzë të Durrësit, ku kanë humbur jetën tre persona dhe janë plagosur dy të tjerë.
Sipas Policisë, aksidenti ndodhi rreth orës 02:22, kur drejtuesi i automjetit, Kleo Vrioni, 25 vjeç, humbi kontrollin e mjetit dhe u përplas me një bordurë betoni.
Si pasojë e përplasjes humbën jetën drejtuesi i automjetit, Kleo Vrioni, 25 vjeç, pasagjerja Sara Brugentelli, 26 vjeçe, shtetase italiane si dhe Alvi Muhaxhiri, 15 vjeç.
Në automjet ndodheshin edhe dy persona të tjerë. Rejsi Vrioni, 25 vjeç, dhe Klevis Dervishi, 16 vjeç, mbetën të plagosur dhe u transportuan drejt Tiranës për ndihmë mjekësore. Gjendja e 16-vjeçarit, Klevis Dervishit, raportohet e rëndë.
Viktimat:
- Kleo Vrioni, 25 vjeç
- Sara Brugentelli, 26 vjeçe
- Alvi Muhaxhiri, 15 vjeç
Të plagosur:
- Rejsi Vrioni, 25 vjeç
- Klevis Dervishi, 16 vjeç
Grupi hetimor ndodhet në vendngjarje dhe, nën drejtimin e Prokurorisë, po vijon punën për dokumentimin e plotë dhe sqarimin e rrethanave të aksidentit.a.b
