Me 79 vota pro, Kuvendi këtë të martë ka miratuar dekretin e Presidentit Begaj për shkarkimin nga detyra të Evis Salës dhe emërimin e Klodiana Spahiut si ministre e re të Shëndetësisë. Votimi u zhvillua në seancën e sotme parlamentare, ndërsa gjatë nisjes së votimit deputetët e Partisë Demokratike braktisën sallën. Spahiu merr drejtimin e Ministrisë së Shëndetësisë pas dorëheqjes së Evis Salës.
Me votimin e dekretit në Kuvend, Spahiu nis zyrtarisht detyrën e re në krye të ministrisë, ndërsa pritet që në vijim të marrë drejtimin e institucionit dhe të vijojë zbatimin e objektivave të përcaktuara për sektorin e shëndetësisë.
Sesioni i ri parlamentar nisi me një objektiv të qartë politik të mazhorancës, Shqipëria drejt anëtarësimit në BE-së brenda vitit 2030, ndërsa në planin e brendshëm të hapë një tjetër kapitull për reformën zgjedhore. Nga foltorja e Kuvendit, kreu i grupit parlamentar i PS-së, Taulant Balla, vendosi përpara deputetëve një kalendar ambicioz: mbyllja e negociatave me BE-në deri në fund të vitit 2027 dhe anëtarësimi dy vite më pas.
Kreu i grupit parlamentar të PD-së Gazment Bardhi, në fjalën e tij në Parlament hodhi akuza të forta. Sipas tij modeli KAYO i Ermal Raketës po projektohet edhe në shëndetësi. Tha se po përgatitet tender million euro për mikun e Edi Ramës dhe në sektorin e shëndetësisë.
Tensione dhe incidente janë shënuar në protestën pranë Kuvendit, në ditën kur ka nisur edhe sesioni i ri Parlamentar. Situata u përshkallëzua pas shoqërimit nga policia të dy protestuesve. Në vijim, një grup efektivësh policie u godit me vezë dhe domate nga protestuesit në kryqëzimin e Ushtarit të Panjohur. Qytetarët vijojnë protestën duke brohoritur në kor kundër uniformave blu, me thirrjet: “Polici e krimit” dhe “Nuk na përfaqësoni”.
Lexoni edhe:
Balla: Të mbyllim negociatat me BE-në brenda 2027-s! Duhet të avancojmë me Reformën Zgjedhore
Bardhi: KAYO e “Ermal Raketës” synon edhe shëndetësinë, tender miliona euro për mikun e Ramës
FOTO/ Zegjine Çaushi ndryshon pamje, deputetja e PS-së shfaqet me një look krejt ndryshe