Një episod i rëndë ka ndodhur në përballjen mes Ajax-it dhe PSV-së, ku protagonist u bë Ruben van Bommel, djali i ish-futbollistit të njohur Mark van Bommel.

Në minutën e rreth 80-të, me PSV-në në avantazh 2-1, sulmuesi i skuadrës mike ndërhyri me intensitet të madh ndaj Aaron Bouwman. Van Bommel e goditi kundërshtarin me trup, duke shkaktuar një përplasje të fortë mes dy lojtarëve.

Bouwman nuk mundi të vijonte dhe iu desh të merrte ndihmën e stafit mjekësor. Mbrojtësi i Ajaxit u transportua më pas në spital për kontrolle, ku u konstatua se kishte pësuar kontuzion në sternum dhe në mushkëri. Sipas raportimeve, dëmtimi mund ta lërë jashtë fushave për të paktën një muaj.

Vendimi i arbitrit shkaktoi polemika. Pavarësisht forcës së ndërhyrjes dhe protestave të lojtarëve të Ajaxit, gjyqtari nuk e konsideroi episodin si të denjë për karton të kuq. Van Bommel u ndëshkua vetëm me karton të verdhë, pasi ndërhyrja u vlerësua si e paqëllimshme.

Pas përfundimit të ndeshjes, sulmuesi i PSV-së tregoi pendesë për atë që kishte ndodhur. Van Bommel shkoi në dhomën e zhveshjes së Ajaxit për t’i kërkuar falje Bouwmanit, ndërsa dukej i tronditur nga pasojat e përplasjes.

Një moment që solli shumë diskutime, jo vetëm për vendimin e arbitrit, por edhe për gjendjen e mbrojtësit të Ajax-it.

Tensions flared suddenly after Ruben Van Bommel made a rough challenge on his Ajax opponent. ⚔️

The injured player was taken to the hospital and suffered a collapsed lung. ?pic.twitter.com/TkMMv7ZtQn

— Goals Xtra (@GoalsXtra) September 7, 2026