“Troket” vjeshta, ulen temperaturat, si do të jetë moti për ditën e sotme

Vendi do të karakterizohet sot nga një mot përgjithësisht i qëndrueshëm, ndërsa në disa zona priten reshje lokalisht të dobëta.

Temperaturat do të variojnë në vlera të ndryshme sipas zonave. Në bregdet temperaturat minimale dhe maksimale pritet të luhaten nga 19°C deri në 28°C.

Në vendet e ulëta, temperaturat do të regjistrojnë vlera nga 16°C në mëngjes, deri në 29°C gjatë ditës.

Ndërkohë, në zonat malore temperaturat pritet të jenë më të ulëta, me një interval nga 11°C deri në 24°C.

Sa i përket erës, ajo pritet të fryjë me shpejtësi të lehtë deri mesatare.