Interi synon të arrijë katër fitore nga katër ndeshje në kampionat, ndërsa Udinese udhëton drejt “San Siros” me synimin për të përsëritur surprizën e vitit të kaluar kundër skuadrës së Chivut. Ndeshja do të zhvillohet të hënën, më 14 shtator, në orën 20:45, si një ndeshje e shtyrë. Arbitri i sfidës do të jetë Luca Pairetto, i asistuar nga Yoshikawa dhe Moro. Marini dhe Gariglio do të jenë përgjegjës për VAR-in.
Zikaltrit vijnë pas tre fitoreve radhazi në kampionat kundër Monzës, Cagliarit dhe Napolit, ku fitorja ndaj kësaj të fundit u arrit me përmbysje. Megjithatë, skuadra e Chivut vjen pas një humbjeje në Champions League kundër Real Madridit në “Bernabeu”. Pritet që Interi të bëjë disa ndryshime në formacion. Sezonin e kaluar, Interi humbi në shtëpi kundër Udineses në javën e dytë.
Udinese, nga ana tjetër, ka regjistruar një fitore, një barazim dhe një humbje në kampionat deri më tani. Rrugëtimi i tyre në Kupën e Italisë ka qenë më i suksesshëm, me dy fitore dhe një vend në çerekfinale ku do të përballen me Atalantën. Në ligë, ata kanë mundur Monzën, barazuar me Comon dhe humbur kundër Lazios.
Për të gjithë tifozët, ndeshja Inter-Udinese, e caktuar për të hënën në “San Siro”, do të transmetohet drejtpërdrejt dhe ekskluzivisht në DAZN dhe në kanalet e Sky Sport.
Marrë nga La Gazzetta dello Sport