Një fotografi e realizuar plot 18 vite më parë është rikthyer në qendër të vëmendjes, pas rikthimit të Philippe Coutinhos te Santos. Bëhet fjalë për një selfie të vjetër, ku Neymar Jr. shfaqej përpara pasqyrës me një aparat fotografik, ndërsa pranë tij ishte Coutinho.
Santos ka vendosur ta rikrijojë pikërisht atë moment, duke publikuar një tjetër foto me të njëjtët protagonistë, tashmë shumë vite më të rritur. Një mënyrë simbolike për të festuar rikthimin e Coutinhos te klubi brazilian.
Mesfushori 34-vjeçar ka firmosur një kontratë që do ta mbajë në ekip deri në dhjetor, kur edhe përfundon kampionati brazilian. Coutinho ishte larguar nga Vasco da Gama në shkurt, pasi kishte mbetur lojtar i lirë.
Rikthimi i tij te Santos është lidhur ngushtë edhe me Neymarin, i cili ka luajtur një rol të rëndësishëm në bindjen e ish-shokut të tij për t’iu bashkuar klubit.
Pas shumë vitesh, dy miqtë do të kenë sërish mundësinë të ndajnë të njëjtën fanellë, ndërsa fotografia e vjetër tashmë ka marrë një kuptim krejt të ri.