Presidenti Donald Trump tha se ai dhe homologu i tij kinez, Xi Jinping patën një “takim të shkëlqyer”, por nuk iu përgjigj pyetjeve të gazetarëve mbi atw se çfarw folwn konkretisht. Pas takimit në Zyrën Ovale, Trump u shpreh se takimi me presidentin kinez Xi Jinping ishte “i shkëlqyer”. Megjithatë, ai nuk pranoi të përgjigjej kur u pyet nëse kishin diskutuar për Tajvanin, inteligjencën artificiale apo Jimmy Lai, biznesmenin pro-demokracisë që u dënua në shkurt me 20 vite burg në Hong Kong. Trump e përshkroi Xi-n si një “ekspert të gurit” që “i pëlqen graniti i mirë”, dhe më pas i tregoi helikopterpadin e ri në lëndinën jugore të Shtëpisë së Bardhë. Ai gjithashtu e ftoi Xi-n brenda helikopterit presidencial Marine One. Ndwrkohw nga ana tjetwr, prezidenti kinez tha se Pekini dhe Uashingtoni duhet të “forcojnë komunikimin e tyre”. Xi tha se ishte i gatshëm të punonte me Trumpin, me të cilin ka krijuar një “marrëdhënie personale”, për të “drejtuar anijen” e lidhjeve kineze-amerikane. “Ne duhet të bashkëjetojmë në paqe”, theksoi ai, duke thënë se “konkurrenca duhet të jetë pozitive, me kufizime”. “Dialogu i ndershëm dhe i qëndrueshëm mund të nxisë mirëkuptimin dhe besimin e ndërsjellë. Ne inkurajojmë shkëmbimet në diplomaci, tregti, ekonomi dhe zbatimin e ligjit “, shtoi ai, duke theksuar se “ekziston një hapësirë e gjerë për bashkëpunim” midis dy vendeve. Xi gjithashtu vuri në dukje se Forcat e Armatosura të të dy vendeve duhet të ruajnë dialogun e tyre të rregullt. Sa i takon tregtisë, presidenti kinez i hapi derën kompanive amerikane Trump tha gjithashtu se ishte “krenar” për marrëdhënien midis Shteteve të Bashkuara dhe Kinës dhe pretendoi se të dy vendet kishin bërë “përparim të jashtëzakonshëm” në çështjet me të cilat përballen. Në të njëjtën kohë, ai theksoi se Uashingtoni dhe Pekini po punojnë drejt një marrëdhënieje tregtare më të ekuilibruar, ndërsa tregoi se çështjet e sigurisë, teknologjisë dhe inteligjencës artificiale do të ngrihen gjithashtu në bisedimet me Xi-në .