Presidenti i SHBA-së, Donald Trump, ka hedhur poshtë propozimin e Iranit për një armëpushim fillestar 7-ditor, ndërsa Teherani ka paraqitur një plan për të hapur Ngushticën e Hormuzit në kushte të caktuara.
Sipas Wall Street Journal, duke cituar burime të qeverisë amerikane, Trump u ka thënë ndihmësve të tij se pret që fushatat e bombardimeve amerikane kundër Iranit të vazhdojnë në nëntor, pas zgjedhjeve të mesit të mandatit në SHBA.
Kujtojmë se Teherani i paraqiti Uashingtonit një plan “specifik” 7-ditor për rihapjen e Ngushticës së Hormuzit, sië tha Ministri i Jashtëm iranian, Abbas Araghchi teksa merrte pjesë në Asamblenë e Përgjithshme të OKB-së.
“Nëse plotësohen kushtet e nevojshme, Ngushtica mund të rihapet dhe rrjedha e anijeve mund të rikthehet brenda shtatë ditëve. Zgjedhja tani i përket Shteteve të Bashkuara”, tha ministri iranian.