Portugalia ka marrë një vendim të shpejtë pas largimit të Cristiano Ronaldos nga grumbullimi i kombëtares për ndeshjen e sotme ndaj Danimarkës në UEFA Nations League.
Fanella ikonike me numrin 7, e lidhur prej vitesh me Ronaldon, i është besuar kësaj here Rafael Leaos. Sulmuesi 27-vjeçar, i cili më parë ka luajtur edhe për Milanin dhe aktualisht aktivizohet në Turqi, do të mbajë numrin e yllit portugez në sfidën ndaj danezëve.
Leao prej disa vitesh është konsideruar si një prej futbollistëve me potencial të madh në kombëtaren portugeze. Megjithatë, paraqitjet e tij me fanellën e përfaqësueses nuk kanë qenë gjithmonë në nivelin e pritshmërive, duke bërë që ai të mos e sigurojë vazhdimisht një rol të padiskutueshëm në formacion.
Pavarësisht kësaj, në Federatën Portugeze të Futbollit vazhdojnë të kenë besim te aftësitë e sulmuesit, i cili tashmë merr përkohësisht një prej numrave më simbolikë të historisë së kombëtares.
Mbetet për t’u parë nëse Leao do të arrijë të përballojë peshën e fanellës me numrin 7, që për më shumë se një dekadë ka qenë sinonim i Cristiano Ronaldos te Portugalia.