Muhamet Skana, djali që shihet në foto, ndodhet aktualisht i vetëdijshëm në Spitalin e Traumës, sipas informacioneve të bëra publike nga gazetarja Denada Jushi.
Sipas saj, i riu ka pësuar krisje në vertebër dhe ka humbje të kujtesës, ndërsa për momentin nuk kujton asgjë nga ajo që ka ndodhur.
Megjithatë, sipas informacionit të publikuar, nuk ka rrezik që të humbasë aftësinë për të ecur.
“Lutje për Muhamet Skanën”, shkruan gazetarja Denada Jushi në postimin e saj.
Edhe deputetët e PD Belind Këlliçi, Jorida Tabaku etj., janë interesuar në spitalin e Traumës për Skanën duke ngulmuar për vëmendje ndaj tij.
Skana u sulmua nga policia ndërsa po qëndronte në rrugë tek protesta në Rrugën e Durrësit. Një polic e shembi përtokë ndërsa 3 të tjerë e qëlluan atë pa mëshirë me shqelma dhe shkopinj gome. Egërsia e policëve tejkalon çdo sjellje njerëzore. a.b
