Autoritetet franceze kanë vendosur shtetrrethim gjatë natës në disa zona të Parisit, Lille dhe qyteteve të tjera në Francën veriore pas trazirave dhe protestave antiqeveritare të fundjavës. Konkretisht, autoritetet franceze kanë lëshuar një urdhër orë policore për Place de la République dhe rrugët përreth Les Halles në Paris nga ora 23:00 deri në orën 6:00 të mëngjesit, raportojnë mediat vendase. Sipas mediave franceze, ndalimi do të zbatohet për të miturit e pashoqëruar, njerëzit që mbajnë çanta shpine dhe njerëzit që mbajnë maska ose kapuçë. Kryeministri Sebastien Lecornu kishte përjashtuar një shtetrrethim të përgjithshëm në Paris, dhe kishte deklaruar se ishte më e përshtatshme për momentin të zbatoheshin shtetrrethime të pjesshme dhe lokale. Në Nicë, kryebashkiaku Eric Ciotti kishte deklaruar se ka nënshkruar një urdhër për vendosjen e një shtetrrethimi për të miturit në qendër të qytetit gjatë natës. Edhe qyteti I Marsejës ndaloi tubimet dhe demonstratat. Marseja ishte një nga qytetet që u gjend në qendër të protestave të dhunshme në 48 orët e fundir, me protestuesit që sulmuan bashkinë.