Sali Berisha ka sulmuar kryeministrin Edi Rama se po ushtron dhunë policore ndaj studentëve që protestojnë për të drejtat e tyre.
Kreu i PD-së, duke iu drejtuar me mesazh studentëve, pedagogëve dhe gjithë popullit shqiptar, denoncoi se si një grup personash gjoja protestues, që dolën nga Ministria e Brendshme, kishin plan të sulmonin bizneset, ndërsa plani sipas tij u prish nga mediat që dokumentuan me pamje këtë fakt.
”Një grup personash me dopio maskash u filmuan dje duke dalë nga ministria e brendshme me fytyrë të mbuluar me maskë të zezë, dhe maskën tjetër, duke thirrur Rama në burg dhe më pas për të mësyrë dhe sulmuar bizneset.
Ishte meritë e mediave që kapën në flagrancë këtë grup terrorist që u lëshuan nga ambientet e ministrisë së Brendshme, që e parandaloi tragjedinë e stisur nga Rama. Ftoj qytetarët që të bashkohen sot me studentët, kundër padrinos së pushtetit. Zgjidhja është, Rama jep dorëheqjen”, tha ai.