Këshilli i Ministrave këtë të mërkurë ka ndryshuar skemën e shpërblimit për punonjësit e Policisë së Shtetit, të miratuar në bazë të protestave të dhunshme që po ndodhin në Tiranë. Me ndryshimet e reja, numri i përfituesve rritet nga 2,750 në 2,821 punonjës.
Paralelisht me rritjen e numrit të përfituesve, shtohet edhe fondi financiar i parashikuar për shpërblimin.
Nga 740,080,000 lekë që ishte përcaktuar fillimisht, fondi arrin në 759,187,520 lekë.
Vendimi i ri hyn në fuqi menjëherë dhe do të botohet në Fletoren Zyrtare.
Ndryshimet prekin kështu si numrin e punonjësve përfitues, ashtu edhe fondin total të dedikuar për shpërblimin e tyre.