Ish-presidenti serb Aleksandër Vuçiç ka komentuar protestat kundër qeverisë së Edi Ramës në Shqipëri, duke deklaruar se kryeministri shqiptar ka gabuar duke u treguar tepër i butë me protestuesit.
Gjatë një debati televiziv, Vuçiç paralajmëroi se nëse Rama do të detyrohej të shpallte zgjedhje në këtë moment, do ta kishte të vështirë t’i fitonte ato.
“Ka bërë një gabim. Edi besoi më gjatë se unë se mund t’i zbuste me diçka. Dhe gaboi, humbi kohë. Dhe ata tani… nëse e detyrojnë të shpallë zgjedhje, do ta ketë shumë të vështirë t’i fitojë ato zgjedhje. Tani gjithçka më duket irracionale. Sepse ai është një nga asetet më të mëdha të Shqipërisë, pavarësisht se si e sheh secili këtë”, u shpreh Vuçiç.
Deklarata e ish-presidentit serb vjen në një kohë kur Shqipëria po përballet me protesta të studentëve dhe qytetarëve kundër qeverisë, ndërsa kërkesat për largimin e Ramës janë shoqëruar me përplasje dhe reagime të forta politike.
Vuçiç, i cili është përballur edhe vetë me protesta masive në Serbi, shprehu mbështetje për Ramën. m.k
