Politologu Ermal Hasimja deklaroi se mungesa e një opozite të bashkuar dhe me një alternativë të qëndrueshme ka ndikuar që ndërkombëtarët të mos jenë më të vendosur në raport me vijimësinë e qeverisjes së Edi Ramës.
“Një nga arsyet pse ndërkombëtarët nuk kanë qenë më agresivë dhe më të vendosur në raport me vijimësinë e qëndrimit të Ramës në pushtet është pikërisht sepse nuk gjejnë një garanci tjetër stabiliteti në anën e opozitës”, u shpreh në A2CNN.
Sipas tij, krijimi i një blloku solid opozitar do ta ndryshonte situatën, ndërsa theksoi se forcat kundër qeverisë duhet të bashkëpunojnë dhe të dakordësohen për një qëllim të përbashkët.