Demokratët drejt fitores historike - LIVE, MINUTË PAS MINUTE

05/11/2026 11:25- Kush mund ta zëvendësojë Trumpin në garën presidenciale të vitit 2028?

Donald Trump u kishte kërkuar votuesve të imagjinonin se edhe ai ishte kandidat në fletëvotim, por kjo nuk i pengoi demokratët të shënonin fitore në zgjedhjet afatmesme.

Rezultati ka bërë që vëmendja të përqendrohet tashmë te zgjedhjet presidenciale të vitit 2028, kur emri i Trumpit nuk do të jetë në fletëvotim, më shumë klikoni këtu.

05/11/2026 11:15-Çfarë pamë në zgjedhje dhe çfarë mund të sjellë për Trumpin, Uashingtonin dhe botën, fitorja e Demokratëve në SHBA?

Një tërmet politik ka goditur Uashingtonin, ka tronditur presidencën e Donald Trump dhe ka ndryshuar ekuilibrat e pushtetit në Shtetet e Bashkuara.

Por këto “goditje dhe tronditje” mund të thuhet se mund të shënojnë edhe një pikë kthese për politikën amerikane në raport me marrëdhëniet ndërkombëtare.

Kjo pasi që, Demokratët kanë marrë kontrollin e të dyja dhomave të Kongresit, duke i dhënë fund dominimit Republikan dhe duke e vënë presidentin Trump përballë një realiteti të ri politik – në raport me zhvillimet, si nga brenda, po ashtu dhe jashtë vendit.

Dhe kur ka një humbës, sigurisht flitet edhe për “fajtorë” – duke u përmendur të tillë siç mund të jenë lufta me Iranin dhe pakënaqësia ekonomike, te mbështetja për Ukrainën dhe marrëdhëniet me Rusinë.

E kur flasim për pasojat e mundshme, përveç atyre jashtë kufijve amerikanë, pasojat më të mëdha mund të jenë për vetë Trumpin, pasi kjo nuk po vlerësohet vetëm si thjesht një humbje zgjedhore, por një paralajmërim se gjysma e dytë e mandatit mund të shndërrohet në një betejë të vazhdueshme – deri në “mbijetesë politike”.

Por çfarë u pa gjatë këtyre zgjedhjeve dhe çfarë mund të sjellë për Trumpin, Uashingtonin dhe botën, fitorja e Demokratëve në SHBA?

05/11/2026 11:01-Ish-senatori republikan kundërshton JD Vance

JD Vance fajësoi luftën me Iranin për humbjet e mëdha të republikanëve në zgjedhjet e mesit të mandatit.

Por ish-senatori republikan Pat Toomey e cilësoi këtë shpjegim të gabuar, duke theksuar se edhe tarifat doganore të vendosura nga Trumpi, të cilat rritën kostot për konsumatorët amerikanë, luajtën rol të rëndësishëm në pakënaqësinë e votuesve.

Sipas tij, humbja ngre gjithashtu pikëpyetje për shtrirjen e rolit të qeverisë federale.

05/11/2026 10:31-Tucker Carlson: Trump vendosi interesat e Izraelit mbi ato të SHBA-së

Komentatori amerikan Tucker Carlson ka kritikuar presidentin Donald Trump, duke e akuzuar se po i vendos interesat e Izraelit mbi ato të Shteteve të Bashkuara.

Sipas tij, kjo qasje, së bashku me përfshirjen amerikane në luftën me Iranin, ka ndikuar në humbjen e republikanëve në zgjedhjet e mesit të mandatit.

Carlson vlerëson se votuesit amerikanë po shprehin pakënaqësi ndaj politikës së jashtme të administratës Trump.

05/11/2026 10:02-Lideri i demokratëve në Senat tallet me humbjen e republikanëve

Udhëheqësi i demokratëve në Senatin amerikan, Chuck Schumer, ka festuar fitoren në zgjedhjet për Kongres me një fotografi nga një skarë, në të cilën hamburgerët dhe salsiçet kishin fytyrat e presidentit amerikan Donald Trumpit, zëvendëspresidentit JD Vance dhe republikanëve që humbën në zgjedhje.

Vance paraqitet me kokë të rruar dhe faqe të fryra, në një version që prej kohësh është bërë meme e njohur në internet.

“54 vende dhe vazhdojmë të numërojmë. Gjithashtu, mësova të përdor skarën... Këta hamburgerë dhe salsiçe janë pjekur plotësisht”, shkroi Schumer.

05/11/2026 09:44-Trump kërkon t'i japë fund ndryshimit të orës në SHBA

Presidenti amerikan, Donald Trump është zotuar se do të luftojë për t'i dhënë fund ndryshimit sezonal të orës, duke deklaruar se nuk kishte dashur ta kthente këtë çështje në temë debati para zgjedhjeve të mesmandatit.

Përmes një reagimi në Truth Social, Trump mbështeti nismën “Sunshine Protection Act”, e cila synon mbajtjen e orës verore gjatë gjithë vitit, pa kaluar në orën dimërore.

Ai pranoi se ka prioritete më të rëndësishme, por theksoi se do të angazhohet për realizimin e kësaj nisme.

05/11/2026 09:10-Zelensky vlerëson demokratët amerikanë

Presidenti ukrainas, Volodymyr Zelensky ka vlerësuar mbështetjen dypartiake në SHBA për Ukrainën, duke shprehur mirënjohje edhe ndaj republikanëve.

Megjithatë, ai theksoi se demokratët po shprehen më qartë për vazhdimin e ndihmës për Ukrainën dhe për rikthimin e marrëdhënieve të ngushta mes Shteteve të Bashkuara dhe Evropës, të cilat, sipas tij, janë zbehur gjatë viteve të fundit.

Zelensky tha se forcimi i lidhjeve transatlantike është shumë i rëndësishëm për Ukrainën.

05/11/2026 08:40-Kandidatë nga disa komunitete pakicë fitojnë për herë të parë

Zgjedhjet e mesmandatit në Shtetet e Bashkuara kanë shënuar momente historike, me kandidatë që përfaqësojnë disa komunitete të ndryshme dhe që kanë arritur fitore historike:

Homoseksual: Demokrati Chris Pappas nga New Hampshire.

Grua me ngjyrë: Demokratja Kisha Lance Bottoms nga Georgia.

Burrë mysliman: Demokrati Abdul El-Sayed nga Michigan, së bashku me disa përfaqësues të tjerë.

Grua indigjene amerikane: Demokratja Deb Haaland nga New Mexico.

Grua palestineze: Demokratja Rashida Tlaib nga Michigan.

Grua transgjinore: Demokratja Sarah McBride nga Delaware.

05/11/2026 08:00-Demokratët drejt fitores më të madhe që nga skandali Watergate i vitit 1974

Demokratët pritet të shënojnë një fitore historike në zgjedhjet për Kongresin amerikan, me një epërsi prej 13 deri në 14 pikësh në votën e përgjithshme.

Kjo do të ishte diferenca më e madhe për një parti në zgjedhjet e mesmandatit që nga viti 1974, kur republikanët pësuan humbje pas skandalit Watergate.

Partia Demokratike në Shtetet e Bashkuara është në rrugë drejt një prej fitoreve më të mëdha zgjedhore në historinë moderne amerikane, më shumë klikoni këtu.

05/11/2026 07:30-Senatori i fuqishëm republikan, Cruz: Kjo nuk është një valë e kaltër, por cunami

Senatori republikan pranon përmasat e humbjes dhe paralajmëron se partia mund të humbasë deri në dhjetë vende në Senat. Çmimet e larta, tarifat doganore dhe pakënaqësia ndaj politikave të Trumpit po rëndojnë pozitën e republikanëve.

Senatori republikan Ted Cruz ka dhënë alarmin për gjendjen e Partisë Republikane pas humbjeve të thella zgjedhore në Teksas, duke e cilësuar rezultatin si një “cunami blu” dhe një refuzim politik të përmasave historike.

“Ky nuk ishte vetëm një valë blu, por një cunami blu”, deklaroi Cruz, duke krahasuar situatën me reagimin elektoral që republikanët përjetuan pas skandalit Watergate., më shumë klikoni këtu.

04/11/2026 23:52-Kush është Abdul El-Sayed?

Abdul El-Sayed, demokrati që mposhti republikanin Mike Rogers në Michigan, është mjek dhe epidemiolog me profesion, ish-përfitues i bursës prestigjioze Rhodes në Universitetin e Oksfordit dhe njeriu që, në moshën 30-vjeçare, mori përsipër rimëkëmbjen e sistemit shëndetësor të Detroitit pas falimentimit të qytetit.

El-Sayed u shpall fitues të mërkurën në orët e para të mëngjesit, sipas kohës amerikane. Sipas gazetës BridgeDetroit, në atë moment ai printe me gati gjashtë pikë përqindjeje, ndërsa ishin numëruar 85 për qind e votave, më shumë klikoni këtu.

04/11/2026 23:29-JD Vance distancohet nga Trumpi?

Zëvendëspresidenti amerikan, JD Vance, duket se ka nisur përpjekjet për t’u distancuar politikisht nga presidenti Donald Trump, pas humbjes së republikanëve në zgjedhjet e mesmandatit, me synimin për të ruajtur shanset e tij për të qenë kandidat i partisë në zgjedhjet presidenciale të vitit 2028.

Në një reagim të publikuar të mërkurën në platformën X, Vance kritikoi strategjinë zgjedhore të republikanëve dhe mesazhet e tyre ekonomike, duke argumentuar se partia kishte humbur kontaktin me shqetësimet e qytetarëve për rritjen e kostos së jetesës.

Deklarata më e drejtpërdrejtë e tij ishte “arsyeja pse humbëm është lufta”, duke iu referuar konfliktit në Iran dhe ndikimit të tij në rritjen e çmimeve të karburanteve, më shumë klikoni këtu.

04/11/2026 22:58-Çmimet e naftës bien ndjeshëm

Çmimi i naftës Brent ra të mërkurën për më shumë se tetë për qind, duke zbritur në rreth 95 dollarë (84 euro) për fuçi, niveli më i ulët në dy muajt e fundit.

Rënia erdhi pasi zëvendëspresidenti amerikan JD Vance deklaroi se republikanët humbën zgjedhjet për shkak të luftës në Iran, duke bërë thirrje për përfundimin e saj.

Ndërkohë, bursat amerikane shënuan rritje: Dow Jones me tre për qind, S&P 500 me 1.6 për qind dhe Nasdaq me 1.4 për qind.

04/11/2026 22:31-Sekretari amerikan i Sigurisë Kombëtare: Dëbimet e emigrantëve do të vazhdojnë

Sekretari i Sigurisë Kombëtare i SHBA-së, Markwayne Mullin, ka deklaruar se administrata amerikane do të vazhdojë politikën e dëbimit të emigrantëve.

“Dëbimet do të vazhdojnë”, ka thënë Mullin, duke riafirmuar qëndrimin e administratës amerikane lidhur me zbatimin e politikave të saj të emigracionit.

Deklarata vjen në kohën kur politika e emigracionit dhe dëbimet mbeten ndër çështjet kryesore të debatit politik në Shtetet e Bashkuara.

04/11/2026 21:57-Hakeem Jeffries shpall kandidaturën për kryetar të Dhomës së Përfaqësuesve

Hakeem Jeffries, lideri i demokratëve në Dhomën e Përfaqësuesve të SHBA-së, ka njoftuar se do të kandidojë për kryetar të kësaj dhome të Kongresit, pasi partia e tij siguroi shumicën në zgjedhjet e mesmandatit të mbajtura dje.

Jeffries aktualisht udhëheq pakicën demokrate në Dhomën e Përfaqësuesve, ndaj kandidatura e tij ishte e pritshme. Nëse zgjidhet, ai do të bëhet afrikano-amerikani i parë në historinë e SHBA-së që merr drejtimin e kësaj dhome.

04/11/2026 21:32-Merz pas fitores së demokratëve: Trumpi do të vazhdojë sipas mënyrës së tij

Kancelari gjerman, Friedrich Merz, ka deklaruar se nuk pret ndryshime të mëdha në politikën amerikane pas humbjes së republikanëve në zgjedhjet për Kongresin amerikan.

Ai vlerëson se presidenti Donald Trump do të vazhdojë ta udhëheqë politikën në të njëjtën mënyrë si deri më tani, kryesisht duke përdorur dekretet presidenciale dhe duke anashkaluar Kongresin.

Duke folur në një forum ekonomik në Berlin, Merz tha se Trumpi, që nga rikthimi në pushtet në fillim të vitit 2025, ka marrë shumicën e vendimeve pa përfshirjen e Kongresit dhe se pret që kjo praktikë të vazhdojë edhe pas zgjedhjeve.

Sipas kancelarit gjerman, Kushtetuta amerikane i jep presidentit kompetenca të gjera, duke i mundësuar të marrë në mënyrë të pavarur shumë vendime, pavarësisht se cila parti e kontrollon Kongresin.

04/11/2026 21:02-El-Sayed kritikon fushatën e Trumpit dhe Vance

Abdul El-Sayed tha se nuk kishte pritur që presidenti dhe zëvendëspresidenti amerikan ta kthenin në figurën kryesore të zgjedhjeve të mesmandatit.

Ai kritikoi fushatën e tyre, duke e cilësuar si përçarëse, dhe theksoi se qytetarët e Michiganit duan një politikë që u mundëson të përballojnë shpenzimet e përditshme, përfshirë karburantin dhe ushqimet.

04/11/2026 20:31-Mamdani: Nuk mjafton ta fitojmë pushtetin

Kryebashkiaku i New Yorkut, Zohran Mamdani ka deklaruar se demokratët nuk duhet të mjaftohen vetëm me fitoren politike dhe marrjen e pushtetit, por duhet ta shfrytëzojnë atë për të sjellë ndryshime konkrete në jetën e qytetarëve amerikanë.

“Duhet ta përdorim këtë pushtet për të sjellë ndryshime që amerikanët mund t’i ndiejnë drejtpërdrejt në kuletat e tyre”, u shpreh ai, duke theksuar rëndësinë e përmirësimit të gjendjes ekonomike të qytetarëve.

04/11/2026 20:00-Trump gjen fajtorin për humbjen e republikanëve

Presidenti amerikan, Donald Trump, ka pranuar se lufta me Iranin ishte një nga faktorët që ndikuan në humbjen e republikanëve në zgjedhjet e mesmandatit, duke e cilësuar si “kryesisht të vërtetë” deklaratën e zëvendëspresidentit JD Vance për këtë çështje.

Trump tha se konflikti ndikoi në rritjen e çmimeve të benzinës në periudhën afatshkurtër, gjë që, sipas tij, mund të ketë ndikuar në rezultatin zgjedhor.

Megjithatë, ai këmbënguli se vendimi për të ndërmarrë veprime ushtarake kundër Iranit ishte i domosdoshëm dhe se do ta merrte të njëjtin vendim edhe një herë, më shumë klikoni këtu.

04/11/2026 19:44-Trump për zgjedhjet e vitit 2028: Ndoshta nuk do të kandidojë askush

Donald Trump ka deklaruar se nuk e di se kush do të kandidojë në zgjedhjet presidenciale të vitit 2028, duke shtuar se ndoshta nuk do të kandidojë askush.

Sa i përket luftës me Iranin, ai tha se nuk do të ndryshonte asgjë nga vendimet e marra, ndërsa vlerësoi qëndrimin e zëvendëspresidentit JD Vance për këtë çështje.

04/11/2026 19:30-Trump thotë se nuk shqetësohet nga mundësia e shkarkimit përmes impeachment-it

Presidenti amerikan, Donald Trump, ka deklaruar se nuk është aspak i shqetësuar për mundësinë e përballjes me një proces të ri shkarkimi (impeachment).

Ai pretendon se një veprim i tillë nga demokratët do ta dëmtonte vetë Partinë Demokratike, pasi, sipas tij, do të ishte një proces “pa asnjë arsye”.

04/11/2026 19:02-Humbja e republikanëve godet edhe Muskun, bien aksionet e Teslas dhe SpaceX

Aksionet e kompanive të Elon Muskut, Tesla dhe SpaceX, kanë shënuar rënie pas rezultateve të zgjedhjeve afatmesme në SHBA, në të cilat demokratët siguruan fitore ndaj republikanëve.

Sipas të dhënave të indeksit Nasdaq 100, aksionet e Teslas ranë me 2,80 për qind, ndërsa ato të SpaceX-it me 2,37 për qind.

04/11/2026 18:58-Trump injoron humbjen në zgjedhjet e mesmandatit

Donald Trump është paraqitur për herë të parë para publikut që nga rezultatet e dobëta të republikanëve në zgjedhjet e mesmandatit.

Megjithatë, në vend që të komentonte rezultatet zgjedhore, presidenti amerikan u përqendrua te punimet dhe përmirësimet që po bëhen në Shtëpinë e Bardhë, përfshirë ndërtimin e një salle të re vallëzimi.

Ndër të tjera, Trump foli edhe për mbishkrimet në monumentet dhe statujat në Uashington, normat e interesit, si dhe për faktin se, siç u shpreh vetë, ishte rritur nëpër kantiere ndërtimi.

04/11/2026 18:31-Harris: Amerikanët janë ngopur me korrupsionin dhe paaftësinë

Ish-kandidatja demokrate për presidente të SHBA-së, Kamala Harris, ka reaguar pas rezultateve të zgjedhjeve të mesmandatit, duke thënë se ato tregojnë se amerikanët nuk e durojnë më “korrupsionin, paaftësinë dhe pandjeshmërinë” e administratës Trump.

Harris, e cila humbi zgjedhjet presidenciale të vitit 2024 përballë Donald Trumpit, tha se tani nis puna për demokratët, të cilët duhet të dëshmojnë se janë në gjendje të sjellin rezultate konkrete.

“Në ditën e zgjedhjeve, populli amerikan foli qartë dhe pa mëdyshje: ata janë ngopur me korrupsionin, paaftësinë dhe pandjeshmërinë që vjen nga Shtëpia e Bardhë, si dhe me nënshtrimin e udhëheqësve republikanë”, shkroi ajo në platformën X.

04/11/2026 18:03-Kryeministri polak i dërgon mesazh Trumpit pas humbjes së republikanëve

Kryeministri i Polonisë, Donald Tusk, i ka bërë thirrje presidentit amerikan, Donald Trump, që të kërkojë kompromise me demokratët pas humbjes së republikanëve në zgjedhjet e mesmandatit, duke paralajmëruar se qeverisja përmes vetove nuk është zgjidhje.

Reagimi i liderit polak vjen pasi Trumpi kishte paralajmëruar se do të bëhej “zoti Veto” në rast se demokratët merrnin kontrollin e Kongresit amerikan.

“Duke u bazuar në përvojën time polake, duhet të them se vetoja është gjëja e fundit që mund të ndihmojë në ndjekjen e një politike të mirë”, deklaroi Tusk.

04/11/2026 17:30-JD Vance thyen heshtjen

Zëvendëspresidenti amerikan, JD Vance, ka reaguar pas humbjes së republikanëve në zgjedhjet afatmesme, duke e cilësuar luftën si shkakun kryesor të rezultatit zgjedhor.

“Arsyeja pse humbëm është lufta”, shkroi Vance në një postim të gjatë në rrjetin social X, duke shtuar se këtë e kishte pranuar edhe vetë presidenti Donald Trump një natë më parë.

Ai u bëri thirrje mbështetësve të partisë që të mos shmangin përgjegjësinë për rezultatin zgjedhor, edhe nëse mendojnë se përfshirja në luftë ia ka vlejtur koston politike, më shumë klikoni këtu.

04/11/2026 17:07-Jim Jordan kandidon për udhëheqës të republikanëve në Dhomën e Përfaqësuesve

Jim Jordan, kryetar i Komitetit Gjyqësor, ka shpallur kandidaturën për të udhëhequr republikanët në Dhomën e Përfaqësuesve, pas humbjes së shumicës në zgjedhjet afatmesme.

Në një letër drejtuar kolegëve, ai tha se partia duhet të rimarrë veten dhe të kalojë në ofensivë ndaj demokratëve gjatë dy viteve të ardhshme, me synimin për ta rikthyer shumicën.

Jordan kritikoi gjithashtu mungesën e një plani të qartë në udhëheqjen e deritanishme, duke iu referuar në mënyrë të tërthortë kryetarit aktual, Mike Johnson.

04/11/2026 16:44-Mike Johnson largohet nga udhëheqja e republikanëve në Kongresin amerikan

Kryetari i Dhomës së Përfaqësuesve në SHBA, Mike Johnson, ka njoftuar se nuk do të vazhdojë të jetë udhëheqës i republikanëve në Kongresin e ri, pas humbjes së thellë të partisë në zgjedhjet e mesmandatit.

Sipas katër personave që morën pjesë në një bisedë telefonike me stafin e tij, Johnson ka bërë të ditur vendimin, duke shtuar se më herët gjatë ditës kishte biseduar edhe me presidentin amerikan, Donald Trump.

Johnson, 54 vjeç, arriti ta sigurojë edhe një mandat në Luiziana, por pas rezultateve zgjedhore u shpreh se ishte i zhgënjyer. Ai ka shërbyer për dy mandate si kryetar i Dhomës së Përfaqësuesve, më shumë klikoni këtu.

04/11/2026 16:21-Shtëpia e Bardhë: Trump ende është presidenti juaj

Shtëpia e Bardhë ka publikuar një mesazh në rrjetin social X pas humbjes së republikanëve në zgjedhjet e mesmandatit.

Në një postim të shkurtër, ajo shkroi: “Njoftim: Trumpi është ende presidenti juaj”.

Pas rezultateve zgjedhore, Trumpi deklaroi se ishte “paksa i befasuar” nga rezultati. Ndërkohë, shumë prej zyrtarëve të lartë të administratës së tij ende nuk kanë reaguar publikisht.

04/11/2026 16:08-Jeffries paralajmëron llogaridhënie pas fitores së demokratëve

Udhëheqësi i demokratëve në Dhomën e Përfaqësuesve, Hakeem Jeffries, paralajmëroi se pas marrjes së kontrollit të Kongresit do të kërkojnë llogaridhënie.

Ai tha se demokratët do të bazohen në fakte, ligj dhe Kushtetutë, duke theksuar se përgjegjësit do të përballen me pasojat, pavarësisht se ku çojnë hetimet.

04/11/2026 15:54-Reagimet e disa nga politikanëve botërorë ndaj rezultateve të zgjedhjeve të mesit të mandatit në SHBA

Reagimet ndërkombëtare vërshuan të mërkurën pas fitoreve gjithëpërfshirëse të demokratëve në zgjedhjet e mesit të mandatit në SHBA, me udhëheqës në disa kontinente që kanë bërë një “vlerësim” për implikimet për presidentin Donald Trump dhe rolin e Amerikës në botë.

Për të lexuar rreth reagimeve të tyre, klikoni KËTU.

04/11/2026 15:05- Wall Street rimëkëmbet pasi Trump pranon rezultatin e zgjedhjeve

Tregjet e aksioneve në Shtetet e Bashkuara shënuan rimëkëmbje këtë mëngjes, pasi kontratat e së ardhmes për indekset kryesore rikuperuan humbjet e regjistruara në orët e para të tregtimit.

Investitorët po vlerësojnë se çfarë ndikimi mund të ketë fitorja e gjerë e Partisë Demokratike në zgjedhjet afatmesme në tregjet financiare, investimet në inteligjencën artificiale dhe rregullimin e këtij sektori, më shumë klikoni këtu.

04/11/2026 13:50-Të paktën shtatë ligjvënës myslimanë fitojnë vende në Kongresin Amerikan

Të paktën shtatë ligjvënës myslimanë kanë fituar vende në Kongresin Amerikan, duke shënuar përparime historike për përfaqësimin mysliman si në Dhomën e Përfaqësuesve ashtu edhe në Senat.

Zgjedhjet ndryshuan ekuilibrin e pushtetit në Uashington, me demokratët që fituan kontrollin e Senatit dhe Dhomës së Përfaqësuesve nga republikanët.

Të drejtat civile, kujdesi shëndetësor dhe politika e jashtme u paraqitën në fushata.

Disa ligjvënës të sapozgjedhur dhe të rikthyer bënë fushatë mbi standardet ligjore ndërkombëtare, ndihmën humanitare dhe kundërshtimin ndaj mbështetjes së pakushtëzuar ushtarake amerikane për Izraelin mes sulmeve të vazhdueshme në Gaza.

Për të lexuar lajmin e plotë, klikoni KËTU.

04/11/2026 13:42- Vetëm 43 vota dallojnë kandidatët për Senatin në Misisipi

Gara për një vend në Senatin amerikan në shtetin e Misisipit mbetet jashtëzakonisht e ngushtë, me vetëm 43 vota diferencë mes kandidates republikane në detyrë, Cindy Hyde-Smith, dhe demokratit Scott Colom.

Sipas projeksioneve të CNN-it, me rreth 96 për qind të votave të numëruara, Hyde-Smith dhe Colom ndahen nga vetëm 43 vota. Kjo është një diferencë më e vogël se numri i lojtarëve në ekipin e futbollit amerikan të Universitetit të Misisipit, Ole Miss, më shumë këtu.

04/11/2026 13:20- El-Sayed ironizon Vance-in: JD, habibi, të kryesh betimin për mua

Abdul El-Sayed është bërë myslimani i parë i zgjedhur në Senatin amerikan, pas një fushate të tensionuar, gjatë së cilës feja e tij u vu vazhdimisht në qendër të sulmeve nga kritikët.

Presidenti Donald Trump ka përdorur shpesh retorikë anti-myslimane kur ka folur për El-Sayed, ndërsa zëvendëspresidenti JD Vance e sulmoi ashpër atë në një tubim të fundit elektoral, duke e quajtur “një vogëlush dinak që duhet ta mbyllë gojën dhe të tregojë pak mirënjohje”, më shumë klikoni këtu.

04/11/2026 12:21- Trump kritikon republikanët, por pranon se demokratët bënë “punë të mirë” në zgjedhje

Presidenti amerikan, Donald Trump, ka kritikuar republikanët pas humbjeve në zgjedhjet afatmesme, ndërsa ka pranuar se demokratët kanë bërë “punë të mirë”, pasi siguruan kontrollin e të dyja dhomave të Kongresit amerikan, Senatit dhe Dhomës së Përfaqësuesve.

Në një postim në platformën e tij Truth Social, Trump sulmoi Greg Abbottin, i cili humbi garën për guvernator të Teksasit ndaj demokrates Gina Hinojosa. Presidenti pretendoi se Abbot nuk do ta kishte humbur garën nëse gjatë gjashtë muajve të fundit nuk do të ishte shndërruar në një “RINO”, shkurtesë për shprehjen “Republikan vetëm në emër”, më shumë këtu.

04/11/2026 11:02- Demokratët pritet të fitojnë 258 vende në Dhomën e Përfaqësuesve, rezultati më i mirë në mbi tri dekada

Nata e zgjedhjeve po vazhdon të sjellë rezultate gjithnjë e më të favorshme për demokratët dhe humbje të mëdha për presidentin amerikan, Donald Trump, dhe Partinë Republikane.

Sipas projeksioneve të NBC News, demokratët pritet të fitojnë 258 vende në Dhomën e Përfaqësuesve të Kongresit amerikan, më shumë klikoni këtu.

04/11/2026 10:55-Kansasi dërgon një demokrat në Senatin e SHBA-së për herë të parë që nga viti 1932

Demokrati Adam Hamilton fitoi një vend në Senatin e SHBA-së nga Kansas-i të martën, sipas parashikimeve të mediave amerikane.

Ai mundi republikanin në detyrë, Roger Marshall, duke u bërë demokrati i parë që fiton një garë për Senatin në këtë shtet konservator dhe kryesisht rural, që nga viti 1932.

Ky rezultat është një goditje për ish-presidentin Donald Trump, i cili fitoi në Kansas me një diferencë prej më shumë se 10 pikësh në secilën nga tri fushatat e tij presidenciale.

Për të lexuar lajmin e plotë, klikoni KËTU.

04/11/2026 09:55- Fitore historike për pakicat në zgjedhjet e mesmandatit në SHBA

Zgjedhjet afatmesme të së martës në Shtetet e Bashkuara sollën një sërë rezultatesh historike, me disa kandidatë nga komunitetet e pakicave që fituan poste të rëndësishme shtetërore dhe federale.

Këto fitore u shënuan në një natë kur demokratët arritën rezultate të theksuara, ndërsa votuesit shprehën pakënaqësi ndaj mandatit të dytë të presidentit Donald Trump, më shumë klikoni këtu.

04/11/2026 09:23- Zgjedhjet e mesmandatit në SHBA: Çfarë nënkupton humbja e Trumpit për Evropën dhe tregjet globale?

Demokratët kanë fituar kontrollin e të dy dhomave të Kongresit amerikan, duke i shkaktuar presidentit Donald Trump një nga humbjet më të mëdha politike të karrierës së tij. Rezultati pritet të ketë ndikim edhe përtej kufijve të SHBA-së, veçanërisht në raportet me Evropën, politikat tregtare dhe mbështetjen për Ukrainën.

Humbja e republikanëve është interpretuar si një vlerësim negativ i votuesve për presidencën e Trumpit, ndërsa çështjet kryesore që ndikuan në rezultat ishin kostoja e lartë e jetesës dhe politikat ekonomike të administratës, për më shumë kliikoni këtu.

04/11/2026 08:48- Abdul El-Sayed fiton garën në Michigan, bëhet senatori i parë mysliman në historinë e SHBA-së

Kandidati demokrat Abdul El-Sayed ka fituar garën për Senatin amerikan në shtetin e Michiganit, duke u bërë senatori i parë mysliman në historinë e Shteteve të Bashkuara, sipas projeksioneve të NBC News.

Fitorja e demokratëve në Michigan i shtohet humbjeve të republikanëve në disa gara të tjera për Senat, përfshirë ato në Iowa, Kansas, Ohio, Maine, Karolinën e Veriut, Karolinën e Jugut dhe Teksas, më shumë këtu.

04/11/2026 08:36- Obama reagon pas fitores së demokratëve: Populli amerikan dërgoi një mesazh të qartë

Ish-presidenti amerikan Barack Obama ka reaguar pas rezultateve të zgjedhjeve të mesmandatit, duke i cilësuar fitoret e demokratëve si një mesazh të qartë të qytetarëve amerikanë për drejtimin që dëshirojnë t’i japin vendit.

Në një deklaratë të publikuar në rrjetin social X, teksa rezultatet po bëheshin të ditura të martën në mbrëmje, Obama tha se amerikanët duan një politikë që bashkon njerëzit dhe jo që i përçan, si dhe udhëheqës që ofrojnë zgjidhje konkrete për problemet me të cilat përballen qytetarët, më shumë klikoni këtu.

04/11/2026 08:26- Abdul El-Sayed: U përballa me një nga fushatat më të shëmtuara që kam parë gjatë jetës sime

Kandidati demokrat për Senatin amerikan në Michigan, Abdul El-Sayed, ka deklaruar se gjatë fushatës zgjedhore është përballur me sulme dhe akuza të ashpra, të cilat i cilësoi si pjesë të një prej fushatave më të shëmtuara që ka përjetuar ndonjëherë.

El-Sayed mund të bëhet senatori i parë mysliman në historinë e Shteteve të Bashkuara, nëse arrin të mposhtë kandidatin republikan Mike Rogers, i cili ka mbështetjen e presidentit Donald Trump, më shumë klikoni këtu.

04/11/2026 08:19- “Laserët e mi hapësinorë për të ndikuar në zgjedhje nuk funksionuan”, Musk ironizon pas humbjes së republikanëve

Edhe pse Elon Musk është tërhequr nga një rol publik në administratën e Donald Trumpit, ai ka vazhduar të jetë një nga mbështetësit më të mëdhenj financiarë të republikanëve.

Miliarderi amerikan ka dhuruar më shumë se 480 milionë dollarë për kandidatët republikanë në zgjedhjet e fundit, ndërsa pas humbjes së thellë të tyre ka reaguar me disa komente ironike në rrjetet sociale, për më shumë klikoni këtu.

04/11/2026 07:58- Mbyllen qendrat e fundit të votimit edhe në Alaskë

Alaska është shteti i fundit që mbyll qendrat e votimit, duke i dhënë fund procesit të votimit në zgjedhjet e mesmandatit të këtij viti.

Kjo e mban ende në qendër të vëmendjes një nga garat më të pazakonta për Senatin, e cila është ndjekur me shumë interes.

Senatori aktual republikan, Dan Sullivan, po përpiqet të ruajë vendin e tij përballë kandidates demokrate, Mary Peltola.

04/11/2026 07:02-Rezultatet e reja për Senat dhe Dhomën e Përfaqësuesve

Demokratët kanë siguruar 53 ulëse, kundrejt 41 të republikanëve, duke arritur shumicën e nevojshme për të marrë kontrollin e kësaj dhome të Kongresit.

Edhe në Dhomën e Përfaqësuesve, demokratët janë në rrugë për të marrë shumicën. Deri në momentin e publikimit të grafikës, ata kishin siguruar 210 ulëse, ndërsa republikanët 123.

04/11/2026 06:52-Pas gati 30 vjetësh në Senat, bashkëpunëtorja e Trumpit humb zgjedhjet

Senatorja republikane Susan Collins ka humbur zgjedhjet për Senatin amerikan në shtetin e Maine, duke i dhënë fund karrierës së saj gati 30-vjeçare në këtë institucion.

Collins, e cila ishte pjesë e Senatit që nga viti 1997, u mposht nga kandidati demokrat Troy Jackson, në një nga fitoret e rëndësishme të demokratëve në zgjedhjet e mesmandatit.

Gjatë fushatës, Jackson e kritikoi vazhdimisht senatorën për mbështetjen ndaj presidentit Donald Trump, ndërsa e paraqiti atë si pjesë të politikës që nuk po u përgjigjet shqetësimeve të qytetarëve.

04/11/2026 06:48-Trump paralajmëron demokratët: Do të përdor fuqinë e vetos

Presidenti amerikan, Donald Trump, ka paralajmëruar se do të përdorë fuqinë e vetos për të bllokuar nismat e Kongresit, nëse ai kalon nën kontrollin e demokratëve.

Në një intervistë për Fox News, Trump pranoi se rezultatet e zgjedhjeve të mesmandatit e kanë befasuar, por tha se pas disa muajsh bllokimesh mund të arrihet bashkëpunim me demokratët.

04/11/2026 06:16-Rezultatet e deritanishme për Kongres dhe Senat

Demokratët kanë siguruar 52 ulëse, kundrejt 39 të republikanëve, duke arritur shumicën e nevojshme për të marrë kontrollin e kësaj dhome të Kongresit.

Edhe në Dhomën e Përfaqësuesve, demokratët janë në rrugë për të marrë shumicën. Deri në momentin e publikimit të grafikës, ata kishin siguruar 194 ulëse, ndërsa republikanët 110.

04/11/2026 06:11-Trump reagon ashpër pas rezultateve të dobëta zgjedhore

Donald Trump po publikon një sërë reagimesh në rrjetin social Truth Social, pasi demokratët siguruan kontrollin e Kongresit dhe Senatit në zgjedhjet e mesmandatit.

Ai la të kuptohet se do të flasë më gjerësisht për rezultatet në ditët në vijim, duke thënë se do të “bëhet komentator politik, si për mirë ashtu edhe për keq, për arsyet pse këta kandidatë fituan apo humbën”.

Presidenti amerikan publikoi gjithashtu një fotografi të një kapeleje të kuqe me fjalën “VETO” të shkruar me shkronja të mëdha të bardha, në një stil të ngjashëm me kapelet MAGA, me të cilat ai u bë i njohur, më shumë klikoni këtu.

04/11/2026 05:48-Demokratët fitojnë kontrollin e Kongresit dhe Senatit amerikan

Demokratët pritet të marrin kontrollin e të dyja dhomave të Kongresit amerikan, Senatit dhe Dhomës së Përfaqësuesve, sipas projeksioneve të CNN-it pas zgjedhjeve të mesmandatit të mbajtura më 3 nëntor.

Në Senat, demokratët kanë siguruar 51 ulëse, kundrejt 39 të republikanëve, duke arritur shumicën e nevojshme për të marrë kontrollin e kësaj dhome të Kongresit, më shumë klikoni këtu.

04/11/2026 05:30-Mike Johnson pranon humbjet e republikanëve

Kryetari i Dhomës së Përfaqësuesve në SHBA, Mike Johnson, ka pranuar se zgjedhjet e mesmandatit kanë qenë një natë e vështirë për republikanët, duke shprehur zhgënjimin e tij me rezultatet.

Gjatë një tubimi për përcjelljen e rezultateve në Shreveport të Luizianës, Johnson u zotua se republikanët do ta rimarrin kontrollin e Dhomës së Përfaqësuesve në zgjedhjet e vitit 2028, më shumë klikoni këtu.

04/11/2026 05:21-Gjenerata Z përfaqësohet për herë të parë në Kongresin amerikan

Demokratja Melat Kiros hyn në histori si gruaja e parë e gjeneratës Z e zgjedhur në Kongresin amerikan

Demokratja Melat Kiros ka hyrë në histori si gruaja e parë e përfaqësuesve të gjeneratës Z që është zgjedhur në Kongresin amerikan.

Sipas projeksionit të Associated Press, avokatja 29-vjeçare me prejardhje etiopiane ka fituar garën për Dhomën e Përfaqësuesve në distriktin e parë zgjedhor të Kolorados, i cili përfshin pjesën më të madhe të Denverit.

04/11/2026 05:08-Demokratët fitojnë garën për Senatin në Teksas

Demokrati James Talarico pritet të fitojë garën për Senatin amerikan në Teksas, duke mposhtur kandidatin republikan dhe prokurorin e përgjithshëm të shtetit, Ken Paxton, sipas projeksionit të CNN-it.

Talarico, 37 vjeç, bëhet demokrati i parë i zgjedhur në Senatin amerikan për të përfaqësuar Teksasin në 38 vjetët e fundit, si dhe demokrati i parë që fiton një garë në nivel shtetëror që nga viti 1994.

Fitorja e tij konsiderohet një nga befasitë më të mëdha të zgjedhjeve të mesmandatit të vitit 2026. Kjo pasi ai arriti të mposhtë kandidatin republikan në një shtet që presidenti Donald Trump e kishte fituar me gati 14 pikë përqindjeje në zgjedhjet presidenciale të vitit 2024, më shumë klikoni këtu.

04/11/2026 04:48-Trumpi reagon pas humbjeve të republikanëve: Unë nuk isha kandidat në këto zgjedhje

Donald Trump ka reaguar pas rezultateve të zgjedhjeve të mesmandatit, në të cilat republikanët po përballen me humbje, duke theksuar se emri i tij nuk ishte në fletëvotim.

Trumpi, i cili deri më tani ka qenë jashtëzakonisht i heshtur në rrjetet sociale, ka publikuar një mesazh në platformën Truth Social, teksa po publikohen rezultatet e zgjedhjeve, më shumë klikoni këtu.

04/11/2026 04:10-Demokrati Hakeem Jeffries drejt historisë

Demokratët pritet të marrin kontrollin e Dhomës së Përfaqësuesve në SHBA, sipas projeksioneve të CNN-it, duke i hapur rrugën kongresistit Hakeem Jeffries që të bëhet kryetari i parë me ngjyrë i këtij institucioni.

Jeffries, 56 vjeç, nuk do ta marrë zyrtarisht këtë detyrë deri më 3 janar. Deri atëherë, ai duhet të sigurojë mbështetjen e mjaftueshme të kongresistëve të rinj demokratë, si nga krahu progresist, ashtu edhe nga ai i moderuar, më shumë klikoni këtu.

04/11/2026 04:05-Annie Andrews fiton garën për Senatin në Karolinën e Jugut

Demokratja Annie Andrews ka mposhtur republikanen Darline Graham në garën për Senatin në Karolinën e Jugut.

Kjo fitore konsiderohet rezultat i rëndësishëm dhe një tregues i mundshëm i një vale të demokratëve në zgjedhjet e mesmandatit.

Graham është motra e senatorit prej kohësh Lindsay Graham, i cili vdiq në korrik, dhe nuk kishte kandiduar më parë për ndonjë post të zgjedhur.

Ajo ishte përzgjedhur si kandidate nga Donald Trump, prandaj humbja e saj përbën një goditje politike për presidentin amerikan, në një natë të vështirë zgjedhore për republikanët.

04/11/2026 04:00-Përparimi i demokratëve trondit tregjet financiare amerikane

Tregjet financiare në Wall Street kanë reaguar me rënie ndaj rezultateve fillestare të zgjedhjeve të mesmandatit në SHBA, të cilat po tregojnë përparim të demokratëve.

Indeksi Nasdaq 100 pritej të binte me 1.8 për qind, bazuar në tregtimin paraprak, ndërsa S&P 500 me 0.9 për qind.

Një fitore e thellë e demokratëve mund të shtojë paqëndrueshmërinë në tregjet financiare, veçanërisht në sektorin e inteligjencës artificiale, si dhe të ndikojë në shpenzimet e mbrojtjes dhe rregullimin financiar.

04/11/2026 03:40-Mbyllen qendrat e votimit në North Carolina, Ohio dhe West Virginia

Mbyllen qendrat e votimit në tri shtete të tjera amerikane

Qendrat e votimit sapo janë mbyllur në North Carolina, Ohio dhe West Virginia.

Ohio është një nga shtetet, rezultatet e të cilit do të ndiqen me vëmendje të veçantë në këto zgjedhje të mesmandatit, sidomos për shkak të garës së ngushtë për një ulëse në Senatin amerikan.

04/11/2026 03:35-Trump reagon pas rezultateve të para të zgjedhjeve të mesmandatit

Presidenti amerikan, Donald Trump u ka bërë thirrje votuesve republikanë që presin në radhë për të votuar që të mos largohen nga qendrat e votimit, edhe nëse ato mbyllen para se t’u vijë radha.

“Përshëndetje, republikanë. Po ecim shumë mirë. Nëse jeni në radhë, qëndroni aty”, ka deklaruar Trump, duke iu drejtuar mbështetësve të tij gjatë ditës së zgjedhjeve.

Sipas rregullave zgjedhore në shtetet amerikane, votuesit që ndodhen në radhë në momentin e mbylljes së qendrave kanë të drejtë të votojnë edhe pas orarit zyrtar, kur u vjen radha, më shumë klikoni këtu.

04/11/2026 03:19-Fitore historike në Georgia

Demokratja Keisha Lance Bottoms fiton garën për guvernatore në Georgia, bëhet gruaja e parë afro-amerikane në këtë post.

Demokratja Keisha Lance Bottoms ka fituar garën për guvernatore në Georgia, duke ia marrë këtë post republikanëve, sipas projeksionit të rrjetit NBC News.

Fitorja shënon një moment historik në SHBA, pasi Bottoms bëhet gruaja e parë afro-amerikane e zgjedhur guvernatore në historinë e vendit.

Rezultati përbën gjithashtu një fitore të rëndësishme për demokratët, të cilët kanë arritur të marrin një post të rëndësishëm shtetëror nga republikanët.

04/11/2026 03:12-Trump përballë një prove vendimtare - çfarë rrezikon në zgjedhjet e mesmandatit?

Zgjedhjet e mesmandatit zakonisht shërbejnë si një referendum për presidentin dhe partinë e tij. Në këtë rast, në qendër të vëmendjes është presidenti amerikan Donald Trumpi, i cili ka hyrë në vitin e dytë të mandatit të tij të dytë, në një kohë kur pakënaqësia ndaj qeverisjes së tij po rritet.

Të gjitha ulëset në Dhomën e Përfaqësuesve dhe rreth një e treta e ulëseve në Senat janë në garë. Rezultati mund të ketë pasoja shumë më të mëdha sesa vetë garat individuale, më shumë klikoni këtu.

04/11/2026 03:01-Amerikanët zgjedhin senatorin e parë homoseksual në historinë e SHBA-së

Demokrati Chris Pappas ka fituar garën për Senatin amerikan në New Hampshire, duke mposhtur republikanin John Sununu dhe duke penguar rikthimin e tij në Kongres pas 20 vjetësh.

Me këtë fitore, demokratët kanë ruajtur ulësen e senatores Jeanne Shaheen, e cila nuk garoi për një mandat të ri pas 18 vjetësh në Senat.

Pappas bëhet anëtari i parë i deklaruar publikisht homoseksual në historinë e Senatit amerikan.

04/11/2026 02:46-Demokratët fitojnë ulësen e parë nga republikanët në garën për Senatin amerikan

Demokrati Roy Cooper ka fituar garën për Senatin amerikan në Karolinën e Veriut, duke mposhtur kandidatin republikan Michael Whatley.

Kjo është ulësja e parë në Senat që kalon nga republikanët te demokratët gjatë kësaj nate zgjedhore.

04/11/2026 02:30-Demokratët drejt fitores në Dhomën e Përfaqësuesve

Demokratët kanë epërsi të qëndrueshme në garën për Dhomën e Përfaqësuesve të SHBA-së, ku po regjistrojnë rezultate pozitive në disa distrikte të rëndësishme.

Sipas rezultateve të deritanishme, demokratët kryesojnë në 28 distrikte që më parë kontrolloheshin nga republikanët. Kjo tregon se ata po fitojnë terren në zona që në zgjedhjet e kaluara kishin votuar për kandidatët republikanë.

Në anën tjetër, republikanët janë në epërsi vetëm në një distrikt që më parë përfaqësohej nga demokratët. Megjithatë, rezultatet janë ende në proces numërimi dhe gara për kontrollin e Dhomës së Përfaqësuesve mbetet e hapur.

04/11/2026 02:22-Dalin rezultatet e reja

Rezultatet e reja të projektuara nga CNN në zgjedhjet e mesmandatit në SHBA tregojnë një epërsi të demokratëve në garën për Senatin, ku deri në momentin e publikimit të këtyre të dhënave janë projektuar 41 ulëse për ta, kundrejt 31 për republikanët.

Nga këto, 34 ulëse demokrate dhe 31 republikane nuk ishin në garë në këto zgjedhje.

Në Dhomën e Përfaqësuesve, demokratët kanë siguruar deri tani 28 ulëse, ndërsa republikanët 13.

Për të marrë kontrollin e kësaj dhome, një partie i nevojiten 218 nga gjithsej 435 ulëset.

Ndërkohë, në garat për guvernatorë, republikanët kanë 8 fitore, kundrejt 10 të demokratëve.

Këto janë rezultate paraprake dhe nuk paraqesin ende bilancin përfundimtar të zgjedhjeve.

04/11/2026 02:11-Ky është fituesi i parë pas rezultateve të para

Senatori demokrat Jon Ossoff ka mposhtur republikanin Mike Collins dhe ka fituar një mandat të ri në Georgia, duke ruajtur një ulëse të rëndësishme për demokratët në juglindje të SHBA-së.

Rezultatet e para në zgjedhjet e mesmandatit në SHBA tregojnë një epërsi të demokratëve në garën për Senatin, ku deri në momentin e publikimit të këtyre të dhënave janë projektuar 35 ulëse për ta, kundrejt 31 për republikanët.

Nga këto, 34 ulëse demokrate dhe 31 republikane nuk ishin në garë në këto zgjedhje.

04/11/2026 02:08-Mbyllen qendrat e votimit në 20 shtete të tjera amerikane

Qendrat e votimit janë mbyllur në 20 shtete të tjera të SHBA-së, mes tyre Connecticut, Alabama, Delaware, Illinois, Maine, Maryland, Massachusetts, Michigan, Missouri, New Jersey, Oklahoma, Pennsylvania, Rhode Island, South Dakota, Texas, Mississippi, Kansas dhe Tennessee. Votimi ka përfunduar gjithashtu në Washington, kryeqytetin amerikan.

Vëmendje e veçantë po u kushtohet garave për Senatin në Kansas, Texas, Michigan dhe Maine, ku rezultatet mbeten të paqarta dhe po ndiqen nga afër.

Pranimi i rezultateve nga këto shtete pritet të jetë me rëndësi për përcaktimin e përbërjes së Senatit amerikan.

04/11/2026 01:52-Historia paralajmëron Trumpin, partitë në pushtet zakonisht ndëshkohen në zgjedhjet e mesmandatit

Presidenti amerikan, Donald Trump, rrezikon të humbë shumicën në Kongres në zgjedhjet e mesmandatit, pasi historia politike në SHBA tregon se partia e presidentit në detyrë zakonisht pëson humbje në këto zgjedhje.

Republikanët po përballen me mundësinë që demokratët të marrin kontrollin e Dhomës së Përfaqësuesve dhe, potencialisht, edhe të Senatit.

Gjatë 20 zgjedhjeve të fundit të mesmandatit, partia e presidentit ka humbur ulëse në Dhomën e Përfaqësuesve në 18 raste. Përjashtim bëjnë zgjedhjet e vitit 2002, kur republikanët fituan pas sulmeve terroriste të 11 shtatorit, dhe ato të vitit 1998, kur demokratët e presidentit Bill Clinton arritën ta ruanin shumicën, më shumë klikoni këtu.

04/11/2026 01:19-Dalin rezultatet e para

Rezultatet e para të projektuara nga CNN në zgjedhjet e mesmandatit në SHBA tregojnë një epërsi të demokratëve në garën për Senatin, ku deri në momentin e publikimit të këtyre të dhënave janë projektuar 35 ulëse për ta, kundrejt 31 për republikanët.

Nga këto, 34 ulëse demokrate dhe 31 republikane nuk ishin në garë në këto zgjedhje, më shumë klikoni këtu.

04/11/2026 01:07-Mbyllen qendrat e votimit në gjashtë shtete amerikane

Qendrat e votimit sapo janë mbyllur në gjashtë shtete të tjera amerikane: Florida, Georgia, South Carolina, Vermont, Virginia dhe New Hampshire.

Pak më herët, votimi përfundoi edhe në Kentucky dhe Indiana, duke vazhduar kështu mbylljen graduale të qendrave të votimit përgjatë bregut lindor të SHBA-së.

Pranimi i rezultateve të reja zgjedhore pritet të nisë së shpejti.

04/11/2026 01:02-Minaj, Tyson dhe Mayweather në New Hampshire

Reperja Nicki Minaj dhe boksieri Mike Tyson janë shfaqur të martën në New Hampshire, në kuadër të përpjekjeve të fundit të republikanëve për të fituar një ulëse në Senatin amerikan.

Minaj u pa pranë një qendre votimi në Derry, ndërsa Tyson në Manchester. Në këtë shtet u shfaqën edhe boksieri Floyd Mayweather dhe ish-lojtari i NFL-së, Rob Gronkowski, në aktivitete që lidhen me organizatën konservatore Turning Point Action.

New Hampshire po zhvillon një garë të ngushtë për Senat mes republikanit John Sununu dhe demokratit Chris Pappas,

04/11/2026 00:39-Pse është e rëndësishme fitorja për Kongresin amerikan?

Në zgjedhjet e sotme, amerikanët vendosin se kush do ta kontrollojë Kongresin, gjë që do të ndikojë në atë se sa do të jetë në gjendje presidenit Donald Trump ta zbatojë politikën e tij gjatë dy viteve të mbetura të mandatit.

Kongresi është parlamenti amerikan dhe përbëhet nga Senati dhe Dhoma e Përfaqësuesve.

Në Dhomën e Përfaqësuesve, shtetet më të mëdha kanë më shumë përfaqësues, pasi kanë popullsi më të madhe. Ndërsa në Senat, secili shtet dërgon nga dy senatorë, pavarësisht numrit të banorëve, më shumë klikoni këtu.

04/11/2026 00:23-Nuk i pëlqeu ajo që dëgjoi, Trump sulmon ashpër komentatoren e Fox News

Presidenti amerikan, Donald Trump, ka reaguar me një postim në rrjetet sociale ndaj komentatores së Fox News, Jessica Tarlov, duke kritikuar ashpër zërin dhe paraqitjen e saj televizive, ndërsa po ndiqte rezultatet paraprake të zgjedhjeve të mesmandatit në SHBA.

Trump e cilësoi Tarlovën si “të trashë si gur” dhe “humbëse”, duke thënë se nuk mund ta duronte zërin e saj. Ai shtoi se do të kalonte në një kanal tjetër televiziv derisa komentatorja të largohej nga transmetimi.

“Do të kthehem më vonë”, shkroi Trump në fund të postimit, duke iu referuar përcjelljes së rezultateve zgjedhore në Fox News.

04/11/2026 00:15-Mbyllen disa prej vendvotimeve

Dielli ka nisur të perëndojë në Ditën e Zgjedhjeve në SHBA, pasi grupet e para të qendrave të votimit i mbyllën zyrtarisht dyert në orën 18:00, sipas kohës lindore amerikane, në shtetet Kentucky dhe Indiana.

Kjo shënon fillimin e një faze të re të mbrëmjes zgjedhore: publikimin e rezultateve të sondazheve me votuesit pas daljes nga vendvotimet.

04/11/2026 00:01-Së shpejti mbyllen vendvotimet e para

Ky është orari i mbylljes së vendvotimeve në shtetet amerikane:

- 00:00: Disa pjesë të Indiana dhe Kentucky.

- 01:00: Florida, Georgia, South Carolina, Vermont, Virginia, e gjithë Indiana dhe Kentucky, si dhe disa pjesë të New Hampshire.

- 01:30: North Carolina, Ohio dhe West Virginia.

- 02:00: Alabama, Connecticut, Delaware, Illinois, Maine, Maryland, Massachusetts, Mississippi, Missouri, i gjithë New Hampshire, New Jersey, Oklahoma, Pennsylvania, Rhode Island, Tennessee, Washington D.C., pjesa më e madhe e Florida, Kansas, Michigan, North Dakota dhe South Dakota, si dhe Texas.

- 02:30: Arkansas.

- 03:00: Arizona, Colorado, Iowa, Louisiana, Minnesota, Nebraska, New Mexico, New York, Wisconsin dhe Wyoming, si dhe pjesa tjetër e Kansas, Michigan, North Dakota, South Dakota dhe Texas.

- 04:00: Montana, Nevada dhe Utah.

- 05:00: California, Washington, Idaho dhe Oregon.

- 06:00: Hawaii dhe Alaska.

03/11/2026 23:57-Sondazhet e fundit u japin përparësi demokratëve

Ndërsa në zgjedhjet për Dhomën e Përfaqësuesve, dhomën e ulët të Kongresit amerikan, pritet që demokratët të fitojnë pa ndonjë garë të fortë, beteja për Senatin është jashtëzakonisht e ngushtë.

Fitorja e demokratëve në dhomën e ulët do të ishte në vetvete një goditje për Trumpin, por marrja e kontrollit të të dyja dhomave do të përbënte një goditje të madhe për reputacionin e tij dhe do t’ia kufizonte kompetencat. më shumë klikoni këtu.

03/11/2026 23:28-Garat vendimtare në zgjedhjet e mesmandatit që duhet t’i ndiqni sonte

Zgjedhjet e mesmandatit përcaktojnë se kush do ta kontrollojë Kongresin amerikan dhe, rrjedhimisht, agjendën legjislative të shtetit më të fuqishëm në botë.

Për të përmbysur shumicën aktuale republikane në Kongres, demokratët duhet të fitojnë së paku tri ulëse neto në Dhomën e Përfaqësuesve dhe katër ulëse në Senat, më shumë klikoni këtu.

03/11/2026 23:08-Dy kandidatë me emër dhe mbiemër të njëjtë

Një situatë e pazakontë është krijuar në garën për një vend në Senatin amerikan, në shtetin e Alaskës, ku dy kandidatë me emra pothuajse të njëjtë po garojnë në zgjedhjet e mesmandatit. Bëhet fjalë për senatorin aktual republikan Dan S. Sullivan dhe kandidatin e pavarur Daniel J. Sullivan Jr., një mësues në pension.

Daniel J. Sullivan fillimisht kishte tentuar të regjistrohej në garë me emrin Dan Sullivan dhe si republikan, por autoritetet zgjedhore të Alaskës e kishin përjashtuar, duke pretenduar se kandidimi i tij mund të krijonte konfuzion te votuesit. Ai e kundërshtoi vendimin në gjykatë dhe arriti të rikthehej në garë. Në fletëvotim, dy kandidatët do të paraqiten me iniciale të ndryshme, për t'i dalluar nga njëri-tjetri.

Rasti ka nxitur reagime edhe në kampin republikan, ku presidenti amerikan, Donald Trump dhe përfaqësues të tjerë kanë ngritur shqetësime se ngjashmëria e emrave mund t'i ngatërrojë votuesit dhe të ndikojë në rezultat. Daniel J. Sullivan i ka mohuar pretendimet se kandidimi i tij synon të mashtrojë elektoratin.

03/11/2026 22:28-Pjesëmarrje e lartë e votuesve në shtetet kyçe amerikane

Më shumë se 2.3 milionë votues në shtetin e Michiganit kanë votuar para ditës së zgjedhjeve, që përbën më shumë se një të tretën e të gjithë votuesve të regjistruar. Pjesëmarrje e shtuar po shënohet edhe në shtetet e tjera ku zhvillohen gara të ngushta për Senat.

Votimi i parakohshëm në Michigan tashmë ka tejkaluar shifrat e zgjedhjeve të mëparshme të mesmandatit presidencial, të mbajtura në vitin 2022, më shumë klikoni këtu.

03/11/2026 22:11-Pse Trump vendosi të ndërpresë financimin e Izraelit?

Presidenti amerikan, Donald Trump, ka paralajmëruar ndërprerjen e ndihmës ushtarake për Izraelin, duke e lidhur vendimin me kritikat e kandidatit demokrat për Senat, Abdul El-Sayed, ndaj mbështetjes së pakushtëzuar amerikane për këtë vend.

Trump deklaroi se Izraeli nuk ka nevojë për ndihmën financiare amerikane dhe mund të blejë pajisje ushtarake me paratë e veta. Ai e vlerësoi ndihmën vjetore të SHBA-së për Izraelin në rreth katër miliardë dollarë, më shumë klikoni KËTU.

03/11/2026 21:42- Edhe nga hapësira mund të votosh, astronauti amerikan hedh votën nga Stacioni Ndërkombëtar Hapësinor

Astronauti amerikan Anil Menon ka ushtruar të drejtën e tij të votës nga Stacioni Ndërkombëtar Hapësinor (ISS), duke dëshmuar se edhe distanca prej qindra kilometrash nga Toka nuk përbën pengesë për pjesëmarrjen në proceset demokratike.

Menon, i cili ndodhet në orbitë rreth 400 kilometra mbi Tokë, së bashku me dy shtetas të tjerë amerikanë që janë pjesë e ekuipazhit, ka plotësuar fletëvotimet në mënyrë elektronike dhe më pas i ka dërguar ato në mënyrë të sigurt te autoritetet përkatëse zgjedhore, më shumë këtu.

03/11/2026 21:07- Si bëhet numërimi i votave në SHBA dhe kur priten rezultatet e para?

Në Shtetet e Bashkuara, secili shtet është përgjegjës për organizimin e zgjedhjeve dhe zbaton rregullat e veta për përpunimin dhe numërimin e votave.

Disa shtete fillojnë përpunimin e votave të hedhura para Ditës së Zgjedhjeve, ndërsa të tjerat e nisin këtë proces vetëm pasi të mbyllen vendvotimet, më shumë klikoni këtu.

03/11/2026 20:43- Votimi i hershëm në zgjedhjet e mesmandatit në SHBA tejkalon shifrën totale të vitit 2022

Me Ditën e Zgjedhjeve tashmë në zhvillim të plotë, të dhënat e fundit tregojnë se numri i votave të hedhura para ditës së votimit ka tejkaluar totalin e regjistruar në zgjedhjet e mesmandatit të vitit 2022.

Sipas të dhënave nga 47 shtete dhe Distrikti i Kolumbias, të mbledhura nga CNN, Associated Press dhe kompania Catalist, deri më tani janë regjistruar mbi 58.5 milionë vota të hedhura para Ditës së Zgjedhjeve.

Kjo shifër është më shumë se një milion vota mbi totalin e votimit të hershëm në vitin 2022. Megjithatë, të dhënat nuk janë të plota, pasi për disa shtete mungojnë informacione ose ato janë të kufizuara.

Për më tepër, kjo shifër nuk përfshin miliona fletëvotime që pritet të dorëzohen me postë gjatë ditës së sotme dhe në ditët në vijim.

Kompania Catalist ofron të dhëna dhe analiza për demokratët, akademikët dhe organizatat jofitimprurëse, përfshirë informacione mbi votuesit që kanë marrë pjesë në zgjedhje përpara ditës zyrtare të votimit.

03/11/2026 19:57- Kush janë donatorët më të mëdhenj në zgjedhjet e mesmandatit në SHBA në vitin 2026?

Edhe pse Elon Musk është larguar nga një rol publik në administratën e Donald Trumpit, ai vazhdon të ketë ndikim në politikën amerikane përmes financimit të fushatave dhe organizatave politike.

Sipas një analize të Qendrës Brennan për Drejtësi, Musk është donatori më i madh në ciklin zgjedhor të vitit 2026, më shumë klikoni këtu.

03/11/2026 19:27- Tre skenarët e mundshëm për rezultatin e zgjedhjeve të mesmandatit në SHBA

Pas muajsh të tërë fushate dhe miliarda dollarësh të shpenzuar, amerikanët më në fund po votojnë në zgjedhjet e mesmandatit.

Sondazhet e fundit publike sugjerojnë se demokratët janë në pozitë më të favorshme, por anketat nuk kanë qenë gjithmonë të sakta dhe rezultatet e këtij viti mund të sjellin surpriza, më shumë klikoni këtu.

03/11/2026 18:14- Sa amerikanë votojnë në zgjedhjet e mesmandatit dhe pse pjesëmarrja ka rëndësi?

Radhë të gjata janë parë sot në qendrat e votimit në Shtetet e Bashkuara, ku miliona qytetarë po presin të hedhin votën e tyre në zgjedhjet që, në shumë aspekte, po konsiderohen si një referendum kombëtar për presidentin Donald Trump.

Megjithatë, ndonëse miliona amerikanë marrin pjesë në këto zgjedhje, historikisht pjesëmarrja në zgjedhjet e mesmandatit ka qenë më e ulët sesa në zgjedhjet presidenciale, më shumë klikoni këtu.

03/11/2026 17:43- Dy çështjet kryesore që shqetësojnë votuesit amerikanë

Teksa qytetarët amerikanë po votojnë, inflacioni dhe kostoja e jetesës pritet të jenë ndër shqetësimet kryesore të shumë prej tyre.

Sipas një sondazhi të YouGov, të realizuar në fund të tetorit, 32 për qind e amerikanëve e renditën inflacionin dhe çmimet si çështjen më të rëndësishme, ndërsa 13 për qind përmendën vendet e punës dhe ekonominë, më shumë klikoni këtu.

03/11/2026 16:41- Zgjedhjet për Kongresin nuk janë të vetmet që duhen ndjekur në SHBA

Zgjedhjet e mesmandatit në Shtetet e Bashkuara nuk përcaktojnë vetëm përbërjen e Senatit dhe Dhomës së Përfaqësuesve. Ato vendosin gjithashtu se kush do të drejtojë qeveritë e 36 prej 50 shteteve amerikane.

Gara për postet e guvernatorëve po tërheq vëmendje të veçantë, pasi disa prej kandidatëve mund t’i shfrytëzojnë rezultatet e këtyre zgjedhjeve për të forcuar pozitat e tyre në prag të garës presidenciale të vitit 2028, më shumë klikoni këtu.

03/11/2026 15:57- SHBA angazhon numër rekord vëzhguesish për zgjedhjet e mesmandatit

Departamenti amerikan i Drejtësisë ka nisur programin më të madh të monitorimit të zgjedhjeve në historinë e vendit, në kuadër të zgjedhjeve të këtij viti për Kongresin.

Rreth 1,000 vëzhgues janë angazhuar në qendrat e votimit në të 50 shtetet amerikane, një numër dukshëm më i lartë krahasuar me zgjedhjet e mëparshme, më shumë klikoni këtu.

03/11/2026 15:29-Sa vende zotërojnë demokratët dhe republikanët në Kongres?

Aktualisht, republikanët zotërojnë shumicën në të dyja dhomat e Kongresit amerikan – në Dhomën e Përfaqësuesve dhe në Senat.

Ata kanë 218 vende në Dhomën e Përfaqësuesve, e cila përbëhet nga 435 anëtarë, plus një përfaqësues të pavarur që voton së bashku me ta.

Demokratët kanë 214 vende në Dhomën e Përfaqësuesve. Aktualisht, dy vende janë bosh; secila parti mbante më parë nga një prej tyre. Demokratëve u duhet të fitojnë tri vende për të marrë kontrollin e Dhomës.

Në Senatin me 100 vende, republikanët zotërojnë 53 vende, ndërsa demokratët kanë 45, plus dy të pavarur që rreshtohen me ta, duke e çuar bllokun demokrat në 47 vende.

Për të fituar kontrollin e Senatit, demokratëve u duhet të fitojnë katër vende.

Një ndarje 50 me 50 do t'ua linte kontrollin republikanëve, pasi Zëvendëspresidenti JD Vance ka votën vendimtare në rast barazimi.

Këtë vit, 35 vende në Senat janë objekt zgjedhjesh. Nga këto 35 vende, republikanët zotërojnë 22, ndërsa demokratët 13.

03/11/2026 15:00-Cilat janë disa nga çështjet kryesore që “shqetësojnë votuesit amerikanë”?

Shtetet e Bashkuara janë duke mbajtur zgjedhjet e mesmandatit, të cilat pritet të jenë ndër më të ngushtat dhe më të rëndësishmet e viteve të fundit.

Por, cilat janë disa nga çështjet kryesore në zgjedhjet e mesmandatit?

Për të lexuar lajmin e plotë, klikoni KËTU.

03/11/2026 14:43-Amerikanët vërshojnë në qendrat e votimit, ndërsa procesi i votimit është në zhvillim e sipër

Amerikanët po dalin në votime në të gjithë gjysmën lindore të SHBA-së, për të hedhur votën e tyre në këto zgjedhje vendimtare të mesmandatit.

Radhë të gjata po krijohen pranë qendrave të votimit në shtete si Nju Jorku, Xhorxhia, Miçigani dhe Pensilvania.

03/11/2026 14:19-Moti ndikon në votime në disa shtete të SHBA-së

Në Florida, të paktën 18 qendra votimi janë zhvendosur pasi reshjet e dendura të shiut gjatë natës shkaktuan përmbytje të menjëhershme vonë të hënën dhe deri të martën.

Në Oklahoma, një tornado të dielën detyroi një qendër votimi të ndryshonte lokacionin pasi dëmtoi një qendër komunitare të përdorur për votim.

Në Utah, guvernatori ka shpallur gjendje të jashtëzakonshme dhe ka ofruar një akomodim të posaçëm në Qarkun San Juan.

Parashikuesit e motit parashikonin përmbytje të menjëhershme të mundshme në pjesë të Alabamës, Tenesit, Arkansasit dhe Misisipit të martën, ndërsa një sistem stuhie u zhvendos në lindje nga SHBA-ja qendrore.

03/11/2026 14:16-Trump bën një sërë thirrjesh të minutës së fundit për të votuar për republikanët e lëvizjes MAGA

Presidenti Donald Trump ka publikuar më shumë se 40 postime në "Truth Social", duke u bërë thirrje mbështetësve që të dalin e të votojnë për republikanët që mbështesin lëvizjen MAGA dhe që kandidojnë për në Dhomën e Përfaqësuesve.

Në njërin prej postimeve, ai e përshkruan kongresmenin Clay Higgins – i cili kandidon për rizgjedhje në Luizianë – si një "luftëtar të MAGA-s" dhe një "patriot që e vendos Amerikën në plan të parë".

Ai e përshkruan Paul LePage-in, ish-guvernatorin e Meinit që tani kandidon për t'u bërë anëtar i Kongresit, si një "luftëtar të sprovuar që e vendos Amerikën në plan të parë".

Postimet e tij përfshinin kandidatë që garojnë në Luizianë, Arizona, Minesota, Nevada, Nju Jork, Teksas, Alaskë, Mein, Montana, Karolinën e Jugut, Alabama, Kentaki, Miçigan, Florida dhe Indiana.

03/11/2026 13:20-Këto janë zgjedhjet e ndërmjetme më të shtrenjta ndonjëherë

Sipas "OpenSecrets", organizatës që monitoron shpenzimet politike, shuma totale e shpenzuar për zgjedhjet e ndërmjetme të këtij viti pritet të arrijë në 11,93 miliardë dollarë.

Kjo i bën ato më të shtrenjtat në historinë e SHBA-së.

Demokratët pritet të shpenzojnë 5,52 miliardë dollarë, republikanët 5,12 miliardë dollarë, ndërsa kandidatët e pavarur 1,3 miliardë dollarë.

Në zgjedhjet e ndërmjetme të vitit 2022 u shpenzuan gjithsej 8,94 miliardë dollarë; pra, shifra e këtij viti shënon një rritje prej rreth një të tretës.

Vetëm dy palë zgjedhje të tjera kanë regjistruar shpenzime të tilla për fushatat, krahasuar me zgjedhjet e ndërmjetme të vitit 2026: zgjedhjet presidenciale të viteve 2020 dhe 2024, të cilat kushtuan secila rreth 15 miliardë dollarë.

03/11/2026 13:15 - Çfarë “i ndodhi” Trumpit në zgjedhjet e mesmandatit gjatë mandatit të tij si president në vitin 2018

Donald Trump me siguri shpreson që historia të mos përsëritet, duke pasur parasysh përballjen me zgjedhjet e ndërmjetme ndërsa është në detyrë.

Gjatë mandatit të tij të parë presidencial, në vitin 2018, demokratët – të udhëhequr nga Nancy Pelosi – siguruan kontrollin e 235 vendeve në Dhomën e Përfaqësuesve, duke fituar 40 vende shtesë, ndërsa republikanët siguruan 199 vende.

Për të lexuar lajmin e plotë, klikoni KËTU.

03/11/2026 12:48-Votimi fillon në shtete të ndryshme të SHBA-së

Qendrat e votimit janë hapur në shtetet e SHBA-së lindore.

Votimi filloi në orën 06:00 me orën lokale New York, Connecticut, New Jersey, Virginia dhe pjesë të Indiana dhe Kentucky.

Ndërkohë, në pjesë të tjera të vendit votimi është planifikuar të nisë në orare të ndryshme.

Putini në panik para zgjedhjeve në SHBA – thotë kongresmeni Whitesides

Presidenti rus Vladimir Putin është në panik ndërsa parashikon një ndryshim në përbërjen e Kongresit amerikan.

Sipas kongresmenit demokrat George Whitesides, ai dhe presidenti Donald Trump po përpiqen ta detyrojnë Ukrainën të bëjë lëshime të pafavorshme, përpara se Kongresi i sapozgjedhur të fillojë punimet në janar.

Për të lexuar lajmin e plotë, klikoni KËTU.

Mbi 58 milionë vota të hedhura në një pjesëmarrje rekord për votimin e hershëm

Sipas një analize të Universitetit të Floridës, pothuajse 58,7 milionë nga rreth 210 milionë votues të regjistruar kanë votuar herët në zgjedhjet e mesmandatit.

Kjo shifër përfshin 31,9 milionë vota të hedhura fizikisht dhe 26,8 milionë vota me postë; një rritje e ndjeshme krahasuar me 46 milionë votuesit që votuan herët në vitin 2022.

Ky total përbën më shumë se gjysmën e 122 milionë votave të hedhura gjithsej në zgjedhjet e mesmandatit të vitit 2022.

Ndër shtetet që regjistrojnë përkatësinë partiake, 12,5 milionë nga votuesit e hershëm ishin demokratë të regjistruar, krahasuar me rreth 9 milionë republikanë të regjistruar.

Të 50 shtetet lejojnë votimin me postë, ndërsa shumica dërrmuese ofrojnë gjithashtu mundësinë e votimit të hershëm fizikisht. /Telegrafi/

Në çfarë orari hapen qendrat e votimit në zgjedhjet e mesmandatit të vitit 2026 në SHBA?

Orari i votimit përcaktohet dhe vendoset nga secili shtet.

Qendrat e para të votimit pritet të hapen në Vermont. Votimi në Nju Xhersi, Virxhinia, Konektikat dhe Kentaki do të fillojë në orën 06:00 (12:00, sipas kohës në Kosovë).

Në Xhorxhia, Florida, Pensilvani dhe Nju Jork, votimi do të fillojë midis orës 06:00 (12:00, sipas kohës në Kosovë) dhe 07:00 (13:00, sipas kohës në Kosovë), ndërsa në Ohajo dhe Karolinën e Veriut, votimi do të nisë në orën 06:30 (12:30, sipas kohës në Kosovë).

Në Miçigan, qendrat e votimit do të hapen në orën 07:00 (13:00, sipas kohës në Kosovë).

Papa i parë amerikan në histori ka votuar tashmë në zgjedhjet e mesmandatit

Papa Leoni XIV ka votuar tashmë në zgjedhjet e mesmandatit në Shtetet e Bashkuara, duke dërguar fletëvotimin e tij përmes postës në Çikago, qytetin ku ka lindur.

Në një deklaratë të publikuar të premten, Vatikani përsëriti qëndrimin e Papës për rëndësinë e pjesëmarrjes së qytetarëve në proceset demokratike, duke theksuar se kjo është njëkohësisht “e drejtë dhe detyrë” e tyre.

Trump përsërit premtimin për t’u dhënë 5 mijë dollarë çdo amerikani nëse republikanët fitojnë zgjedhjet e mesmandatit

Presidenti amerikan, Donald Trump, ka përsëritur premtimin se do t’i japë nga 5 mijë dollarë çdo të rrituri në SHBA, nëse Partia Republikane fiton zgjedhjet e mesmandatit.

Gjatë një fjalimi në Washington, D.C., Trump deklaroi se pagesa do të bëhej në rast të fitores së republikanëve, duke theksuar se paratë do të duhej të shpenzoheshin brenda Shteteve të Bashkuara.

Për të lexuar lajmin e plotë, klikoni KËTU.

Demokratët shpresojnë për fitore në zgjedhjet e mesmandatit, por sa të sakta janë sondazhet?

Partia Demokratike në SHBA po hyn me pritshmëri të larta në zgjedhjet afatmesme, të cilat konsiderohen vendimtare për të ardhmen politike të vendit.

Një president republikan me nivel të ulët të mbështetjes, pakënaqësia e qytetarëve për rritjen e çmimeve të ushqimeve dhe faturave, si dhe sondazhet e favorshme të muajve të fundit, u japin demokratëve arsye të shpresojnë për një rezultat të mirë në zgjedhjet e së martës.

Sipas sondazheve, kandidatët demokratë kryesojnë në shumë më tepër se 218 zonat zgjedhore që u nevojiten për të marrë kontrollin e Dhomës së Përfaqësuesve, dhomës së ulët të Kongresit amerikan.

Ndërkohë, në garat kryesore për Senat, ata janë në barazim ose kanë një epërsi të lehtë.

Për të lexuar lajmin e plotë, klikoni KËTU.

Zgjedhjet e mesmandatit në SHBA: Ku pritet gara më e fortë?

Këtë herë, amerikanët nuk votojnë se kush do të hyjë në Shtëpinë e Bardhë, por se kush do të zerë vend në Kapitol: janë zgjedhjet e mesmandatit, të ashtuquajturat midterm elections.

Por ku zhvillohen “garat vendimtare”?

Për të lexuar lajmin e plotë, klikoni KËTU.

Zgjedhjet e mesmandatit në SHBA 2026: Çfarë janë ato dhe kur do të mësohen rezultatet?

Miliona amerikanë do t'u drejtohen kutive të votimit të martën, më 3 nëntor, për zgjedhjet e mesmandatit në SHBA të vitit 2026.

Votimi do të përcaktojë se cila parti do të kontrollojë Kongresin për dy vitet e ardhshme dhe sa pushtet do të ketë presidenti Donald Trump për të çuar përpara agjendën e tij politike.

Por, çfarë janë saktësisht zgjedhjet e mesmandatit, kur do të dihen rezultatet dhe pse janë të rëndësishme?

Për të lexuar lajmin e plotë, klikoni KËTU.

Çfarë mund të nënkuptojnë zgjedhjet e mesmandatit në SHBA për Ukrainën?

Zgjedhjet e mesmandatit në SHBA, që mbahen më 3 nëntor, mund të ndikojnë në marrëdhëniet mes Uashingtonit dhe Kievit, në një kohë kur Ukraina po përballet me presionin në rritje të presidentit Donald Trump për t’i dhënë fund luftës me Rusinë.

Për të lexuar lajmin e plotë, klikoni KËTU.

Bajraktari u bën thirrje shqiptarëve dhe amerikanëve për të votuar: Demokracia mbrohet duke marrë pjesë në procesin zgjedhor

Veprimtari politik, Harry Bajraktari, u ka bërë thirrje shqiptarëve me drejt vote dhe amerikanëve, për pjesëmarrje masive në zgjedhje, duke u bërë apel që të shfrytëzojnë të drejtën e tyre demokratike për të votuar, qoftë në zgjedhjet lokale, shtetërore apo federale.

Në mesazhin e publikuar, theksohet rëndësia e votës për forcimin e demokracisë, zhvillimin ekonomik, sigurinë kombëtare dhe të ardhmen e Shteteve të Bashkuara të Amerikës.

Për të lexuar lajmin e plotë, klikoni KËTU.

“Amerika në plan të parë”, Trump mobilizon votuesit para zgjedhjeve të 3 nëntorit

Presidenti amerikan Donald Trump zhvilloi tubime në Iowa dhe Kansas të dielën ndërsa republikanët bënë përpjekjen e fundit për të mobilizuar votuesit përpara zgjedhjeve të mesmandatit të së martës.

Trump iu drejtua mbështetësve në Dubuque të Iowës, përpara se të udhëtonte drejt Salinës, në Kansas, ku u bëri thirrje votuesve të mbështesin kandidatët republikanë dhe të ruajnë kontrollin e partisë mbi Kongresin.

Të pasurit në betejën për pushtet - miliarda dollarë në fushatat zgjedhore amerikane

Bernie Sanders kishte kritikuar prej vitesh klasën e miliarderëve.

Në dhjetor të vitit 2010, senatori nga Vermonti mbajti fjalim në Senat për më shumë se tetë orë e gjysmë, në shenjë proteste kundër një marrëveshjeje dypartiake për zgjatjen e uljeve të taksave për të pasurit. Kur kandidoi për president në vitin 2016, kjo çështje u bë temë e pothuajse çdo fjalimi të tij.

Për të lexuar lajmin e plotë, klikoni KËTU.