Demokratët pritet të marrin kontrollin e të dyja dhomave të Kongresit amerikan, pas zgjedhjeve afatmesme të së martës, sipas projeksioneve të mediave në SHBA. Rezultatet tregojnë se partia ka siguruar fitore në disa gara që më parë kontrolloheshin nga republikanët, përcjell Reuters.
Në Dhomën e Përfaqësuesve, demokratët kanë fituar të paktën tetë mandate të mbajtura më parë nga republikanët, në shtete si Kentucky, New Jersey dhe North Carolina. Ndërsa në Senat, ata kanë përmbysur rezultatin në shtatë vende të kontrolluara nga republikanët, duke tejkaluar katër mandatet neto që u nevojiteshin për të siguruar shumicën.
Mes kandidatëve demokratë që fituan në këto gara janë Roy Cooper, Annie Andrews, Sherrod Brown, Adam Hamilton, Troy Jackson, James Talarico dhe Josh Turek.
Presidenti Donald Trump deklaroi se do t’i pranojë rezultatet e zgjedhjeve, ndërsa humbjet e republikanëve i lidhi me faktin se emri i tij nuk ishte në fletën e votimit.
