Arrestohet në Vlorë i dënuari me 20 vite burg në Itali për vrasje, pritet ekstradimi

Aktualitet | 10 minuta më parë

Policia e Vlorës ka arrestuar Mariglen Dogën, i dënuar nga Gjykata e Bolonjës në Itali me 20 vite burg për vrasjen e një bashkëkombësi në vitin 2000, në Ravena.

Arrestimi është kryer në banesën e tij, ku forcat e policisë kanë mbërritur për të ekzekutuar urdhrin përkatës, me qëllim ekstradimin e tij drejt Italisë.

Sipas informacioneve paraprake, Doga kishte vuajtur një pjesë të dënimit, ndërsa i kishin mbetur edhe 6 vite burg për të shlyer.

Ai pritet të ekstradohet drejt Italisë, ku duhet të vuajë pjesën e mbetur të dënimit për vrasjen e ndodhur në vitin 2000 në qytetin e Ravenës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.