Gjatë një tubimi tjetër kundër Shteteve të Bashkuara të Amerikës dhe Izraelit, një grup protestuesish në kryeqytetin iranian, Teheran, dogjën një pankartë gjigante me katër figura politike.
Në të shfaqeshin presidenti amerikan Donald Trump, zëvendëspresidenti JD Vance, kryeministri izraelit Benjamin Netanyahu dhe Steve Witkoff, i dërguari i posaçëm amerikan. Të katërt ishin portretizuar me fytyra të trishtuara.
Të lidhura
None found
Çasti kur turma i vë zjarrin posterit të përmasave të mëdha shihet në pamjet e ardhura nga Teherani. Ky veprim ishte një tjetër shprehje e pakënaqësisë dhe kundërshtimit ndaj politikave të SHBA-së dhe Izraelit.
Siç bëhet e ditur në raportim, ngjarja ndodh në kushtet e tensioneve të larta politike. Ndërkohë, konflikti në Iran është bërë temë edhe e debatit të brendshëm politik amerikan.
Zhvillimet e këtij konflikti janë lidhur nga Trump dhe republikanët, përfshirë JD Vance, me pakënaqësinë që shfaq një pjesë e elektoratit në Shtetet e Bashkuara.
