Fluturimi Dublin-Romë devijohet në bazën ajrore franceze pas një alarmi për bombë në bord

Një avion i kompanisë irlandeze Aer Lingus, i tipit Airbus, që udhëtonte nga Dublini drejt Romës, është devijuar drejt Francës pas një alarmi për bombë në bord.

Sipas një deklarate të zyrës së kryeministrit francez, Sébastien Lecornu, situata po monitorohet nga autoritetet.

Forcat Ajrore Franceze konfirmuan se kishin ngritur në ajër avionë ushtarakë menjëherë pas raportimit të kërcënimit.

“Avioni është devijuar dhe po shoqërohet drejt aeroportit të Évreux”, në perëndim të Parisit, bëri të ditur Forca Ajrore Franceze.

Ndërkohë, të dhënat nga platformat e gjurmimit të fluturimeve tregojnë se avioni i përket kompanisë kombëtare irlandeze Aer Lingus.

Incidenti vjen vetëm një ditë pasi rreth 10 fluturime evropiane u përballën me kërcënime për bombë. Këto paralajmërime shkaktuan ndërprerjen e përkohshme të aktivitetit në një aeroport të Varshavës, si dhe ngritjen në ajër të avionëve ushtarakë në Romë, sipas autoriteteve.

Deri më tani, nuk janë bërë të ditura detaje të tjera apo nëse në bordin e avionit është konstatuar ndonjë mjet shpërthyes.

Aer Lingus flight #EI402 (Dublin – Rome) is diverting to Evreux Fauville Air Base, with squawk 7700. https://t.co/acg3BCwzKM

— Flightradar24 (@flightradar24) November 5, 2026