Dy persona kanë humbur jetën dhe 10 të tjerë janë plagosur si pasojë e shpërthimit dhe zjarrit që përfshiu një apartament në katin e tretë të një pallati në Elbasan.
Banorët e dëmtuar morën ndihmë mjekësore në spital dhe më pas u larguan, ndërsa ngjarja shkaktoi edhe dëme të shumta materiale.
Sa i përket shkakut të shpërthimit, nga hetimet paraprake dyshohet se ai ka ardhur si pasojë e përqendrimit të tepërt të gazit në banesën e 69-vjeçarit që u gjet i vdekur nën rrënoja, aty ku ra zjarri.
Trupi i pajetë i pronarit të banesës, 69-vjeçarit Hamit Ibra, u gjet rreth orës 00:40.Ndërkoh grupi hetimor po vijon këqyrjen e vendngjarjes dhe hetimet për të përcaktuar plotësisht rrethanat e shpërthimit.
