Wall Street ka përjetuar një ditë të zezë, duke humbur rreth 3.2 trilionë dollarë në vlerë, ndërsa investitorët janë larguar me shpejtësi nga aksionet e teknologjisë.
Dow Jones ra me 3.44 për qind, S&P 500 me 4.3 për qind, ndërsa Nasdaq regjistroi rënien më të fortë, me 5.52 për qind.
Rënia fshiu plotësisht fitimet e forta të shënuara menjëherë pas zgjedhjeve të mesmandatit në Shtetet e Bashkuara, mes frikës se zgjerimi i qendrave të të dhënave mund të ngadalësohet, shkruan A2.
Në qendër të shitjeve ishin edhe kompanitë e lidhura me inteligjencën artificiale, të cilat pësuan rënie për të dytën ditë radhazi, për shkak të shqetësimeve mbi investimet dhe rregullimin e sektorit.
Tregjet aziatike ndoqën të njëjtën tendencë, me Bursën e Tokios që u mbyll në rënie me 5.96 për qind.
Edhe në Europë nisja e sesionit ishte negative.
Presidenti Donald Trump e cilësoi rënien si një nga ditët më të këqija në historinë e Wall Street, duke fajësuar demokratët për humbjet e tregjeve. Megjithatë, lideri amerikan u përpoq të qetësonte investitorët, duke deklaruar se Amerika do të rikthehet “më e madhe dhe më e fortë se kurrë”.
