Policia ka shpërndarë protestuesit nga bulevardi “Dëshmorët e Kombit”, ndërsa një pjesë e tyre janë zhvendosur brenda ambienteve të Parkut Rinia. Efektivët janë futur edhe në park, ku u kanë kërkuar protestuesve të largohen.
“Ne kemi dalë në punën tonë”, kanë deklaruar disa prej protestuesve, të cilët kanë kundërshtuar kërkesën e policisë për t’u larguar.
Mes tyre kanë qenë edhe aktivistët Sazan Guri dhe Dritan Goxhaj, të cilët kanë kërkuar shpjegime nga efektivët se përse duhet të largohen nga ambientet e parkut.
Nga fillimi i bulevardit e deri te Ministria e Mbrojtjes, policia i ka zmbrapsur me ujë protestuesit.
Ndërkohë, forcat policore vijojnë të qëndrojnë në gatishmëri nëse do të ketë sërish tensione.
