Premier League angleze është kampionati ku Obina e imagjinon të ardhmen e tij pas disa vitesh. Talenti 17-vjeçar i Vllaznisë e shprehu këtë synim përpara mediave pas takimit të sotëm në Shkodër, ku skuadra e tij mposhti Elbasanin.
Të lidhura
None found
I riu bëri një paraqitje shumë të mirë dhe u shpall Lojtari i Ndeshjes. I pyetur për këtë vlerësim, që erdhi pasi kishte siguruar vendin në formacionin titullar, Obina u shpreh i lumtur për mundësinë që i është dhënë dhe besimplotë se do t’u përgjigjet pritshmërive të klubit.
Duke shpjeguar çfarë kërkohet prej tij, mesfushori tregoi se është afruar për t’i dhënë ekuilibër mesfushës, por edhe për të marrë pjesë në veprimet sulmuese. Ai theksoi se po punon në këtë drejtim dhe se ka ende hapësirë për t’u përmirësuar.
Sa i përket rolit në fushë, Obina tha se ndihet më i sigurt si numër 10, por mund të luajë edhe si 8-sh. Atij i pëlqen të qëndrojë pranë portës kundërshtare, pa lënë mënjanë kthimin pas për të ndihmuar në mbrojtje.
Në përgjigjen për mbështetjen nga skuadra dhe shtysën e trajnerit, 17-vjeçari vuri në dukje ndihmën që ka marrë nga ekipi. Sipas tij, shokët komunikojnë vazhdimisht me të, në mënyrë që të pozicionohet siç duhet në fushë.
