Superliga e Kosovës sjell dy duele të rëndësishme në javën e 13-të

Java e 13-të e Superligës së Kosovës do të mbyllet me dy ndeshje që pritet të kenë interes të veçantë.

Në Skënderaj, Drenica do të përballet në shtëpi me Dritën, kampionen në fuqi të Kosovës. Të dyja skuadrat kërkojnë rikthimin te rezultatet pozitive, pasi Drita u mposht në xhiron e kaluar në fushën e saj nga Prishtina, rivale direkte për titullin.

Prishtina, ndërkohë, do të luajë në transfertë ndaj Vushtrrisë, e cila po kalon një periudhë jo të mirë.

Për “bardhëkaltërit” kjo është një mundësi e favorshme për të rritur sërish diferencën në krye të renditjes, por ekipi nuk duhet ta marrë lehtë përballjen me Vushtrrinë, që raportohet se i ka lënë pas problemet e brendshme.

Të dyja ndeshjet janë programuar të zhvillohen në orën 13:00.