Ajeti “feston” me gol grumbullimin në kombëtare

Rajoni | 2 orë më parë

Arlind Ajeti ka shënuar sot gol në fitoren e rëndësishme që arriti Bodrumspor-i i tij në stadiumin “Bolu Atatürk”.

Mbrojtësi hapi serinë e golave në këtë takim duke shënuar në minutën e 15’. Më pas ishte Ruben Providence ai që dyfishoi shifrat për miqtë në minutën e 31-të.

Goli i vetëm i ekipit vendas u shënua nga Bartu Göçmen në minutën e 88-të.

Në javën e 14-të të Trendyol 1. Lig, Boluspor u përball me Bodrum FK.

Sulmuesi i Bodrum FK, Vincent Aboubakar, u përjashtua me karton të kuq në minutën e 58-të.

Pas këtij rezultati, Bodrum FK shkoi në kuotën e 21 pikëve, ndërsa Boluspor mban vendin e fundit me 4 pikë. A.V.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.