Prokuroria e Posaçme kundër Korrupsionit dhe Krimit të Organizuar (SPAK) ka shpallur pretencën zyrtare për dy nga emrat kryesorë të botës së krimit në vend, Emiljano Shullazin dhe Lulzim Berishën.
Ata akuzohen për vrasjen e Klodian Saliut dhe Vajdin Lames ngjarje të ndodhura në shkurt të vitit 2005.
Sipas pretencës së lexuar përpara trupës gjykuese në Gjykatën e Posaçme, prokurorët e SPAK-ut kanë kërkuar dënimin me 25 vite burgim për Emiljano Shullazin, si dhe të njëjtën masë dënimi prej 25 vitesh heqje lirie edhe për Lulzim Berishën.
