Bonusi i ri për bebet nga 1 korriku 2027, Rama: Mbështetje financiare për 5 vite me radhë, ja sa do të përfitojë çdo fëmijë

Aktualitet | 6 minuta më parë

Familjet shqiptare pritet të përfitojnë një mbështetje të re financiare për fëmijët e porsalindur. Sipas kryeministrit Edi Rama, nga 1 korriku 2027 do të nisë zbatimi i skemës së re të bonusit mujor për bebet, e cila do të zgjasë për pesë vite për çdo fëmijë të lindur.

Mbështetja financiare do të ndryshojë në varësi të numrit të fëmijëve në familje.

Konkretisht, përfitimet do të jenë:

5,000 lekë në muaj për fëmijën e parë, ose 300 mijë lekë në total për pesë vite.

7,000 lekë në muaj për fëmijën e dytë, ose 420 mijë lekë në total.

10,000 lekë në muaj për fëmijën e tretë, ose 600 mijë lekë në total.

Skema e re synon të ofrojë mbështetje të vazhdueshme ekonomike për familjet shqiptare, duke lehtësuar një pjesë të shpenzimeve që shoqërojnë rritjen dhe kujdesin ndaj fëmijëve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.