VIDEO/ U ndalua gjatë protestës, gazetari holandez: Në polici donin të më lidhnin me Antifa-n

Gazetari holandez Vincent van Gerven Oei, i cili jeton dhe punon në Tiranë, ka folur për ndalimin e tij nga Policia e Shtetit, duke deklaruar se brenda policisë është diskutuar mundësia e lidhjes së tij me grupimin Antifa, si një arsye e mundshme për ta mbajtur të shoqëruar, dhe për ti dhënë zë teorisë së Edi Ramës për protestat në Tiranë.

I ftuar në emisionin ‘Ora 19’ në SYRI TV, me moderatoren Armela Ferko, gazetari tha se efektivët që e shoqëruan fillimisht mund të mos kishin dijeni për arsyet e ndalimit, por sipas burimeve të tij brenda Policisë së Shtetit, në komisariat situata ishte diskutuar ndryshe.

‘Për shembull, që unë mund të lidhem me Antifa. Kuptoni? Kështu që është patjetër një përrallë. Por është interesante për mua, sepse kjo tregon që ata janë përpjekur në një farë mënyre të gjejnë një arsye për të më mbajtur’, u shpreh van Gerven Oei.

Ai tha se, në momentin e ndalimit, autoritetet e dinin se kishin të bënin me një gazetar dhe shkrimtar, por sipas tij, janë përpjekur të krijojnë një shkak për shoqërimin e tij.

Gazetari bëri të ditur se qëndrimi në komisariat zgjati pesë orë, periudha maksimale që lejohet për këtë procedurë. Ai përmendi edhe rastin e një kameramani tjetër, i cili sipas tij u mbajt po për pesë orë.

‘Po shiko, unë nuk besoj se ata policë që më kishin shoqëruar në fillim kishin ndonjë ide. Por brenda komisariatit, patjetër që po. Sepse ata dinin emrin tim.

Shiko le ta them kështu. Patjetër që ne kemi edhe burime brenda Policisë së Shtetit, edhe më kanë treguar se si është diskutuar për ndalimin tim.Për shembull që unë mund të lidhem me Antifa.

Kuptoni? Kështu që është patjetër një përrallë. Por është interesante kjo për mua sepse kjo tregon që ata janë tentuar ndonjë farë mënyre për të gjetur një arsyepër të më mbajtur.

Edhe patjetër në atë moment ata e kishin shumë qartë në fakt unë jam gazetar, që unë jam shkrimtar. Ata besoj se janë përpjekur të sajojnë një gjë.

Pesë orë është maksimumi, por shiko, kishte dhe një djalë tjetër që ishte kameraman edhe ata e mbanin pesë orë.

Domethënë ata e kanë përpjekur për maksimumin edhe pas pesë orësh’, është shprehur gazetari holandez Vincent van Gerven Oei në SYRI TV.