Gazetarja Klodiana Lala, ka bërë publike dëshminë e një biznesmeni nga Vlora, i cili i ka shkruar për të denoncuar kostot dhe procedurat që, sipas tij, iu kërkuan për një projekt.
Në emisionin “Prime” në News24, Lala tregoi se biznesmeni i kishte rrëfyer se kishte paguar 350 mijë euro kapar për një arkitekt, ndërsa kishte rënë dakord të paguante edhe 200 mijë euro të tjera pas përfundimit të projektit.
Por, kur e dorëzoi projektin në Agjencinë e Zhvillimit të Territorit (AZHT), iu komunikua se duhej të merrte një arkitekt nga ata që, sipas denoncimit, ishin caktuar nga kryeministri.
“Për një projekt pagova një arkitekt 350 mijë euro kapar dhe do të paguaja 200 mijë të tjera pas projektit. Kur e çoj projektin në AZHT, më thonë se duhet të merrja arkitekt nga ata që janë caktuar nga kryeministri. Më shkoi i gjithë projekti 2.4 milionë euro”, ishte mesazhi që Lala bëri publik.
