‘Arena Kombëtare’ do të jetë e mbushur plot për sfidën Shqipëri–Finlandë, e vlefshme për UEFA Nations League.
Të gjitha biletat për këtë përballje janë shitur, duke konfirmuar interesin e madh të tifozëve për të qenë pranë Kombëtares.
Më 12 nëntor, në orën 20:45, kuqezinjtë do të zbresin në fushë përpara një stadiumi të mbushur me tifozë, të cilët do të krijojnë atmosferën e tyre karakteristike dhe do të mbështesin skuadrën në këtë ndeshje të rëndësishme.
Kombëtarja synon të marrë një tjetër rezultat pozitiv në Grupin C1, ku aktualisht renditet në vendin e parë me 9 pikë pas katër ndeshjeve të para. Interesi i tifozëve dhe mbështetja e tyre janë një motivim shtesë për skuadrën në këtë sfidë.
Top Channel
