Zhvillimet e fundit politike në Shqipëri u trajtuan sot në mbledhjen e Komisionit për Punët e Jashtme të Parlamentit Evropian. Kryetari i komisionit, David McAllister, tha se ka marrë mesazhe të shumta shqetësuese për situatën në vend.
Duke folur për protestat, McAllister u shpreh se qytetarët shqiptarë kanë dalë në rrugë kundër abuzimit me pushtetin, shtimit të korrupsionit dhe rritjes së kostove të jetesës.
Të lidhura
None found
Ai solli në vëmendje edhe kullat e ndërtuara në Tiranë, duke ngritur shqetësime për origjinën e parave të investuara në to dhe për mundësinë e pastrimit të parave.
Sipas McAllister, një qeveri teknike mund t’u japë qytetarëve shpresë dhe më shumë besim se zgjedhjet do të jenë të lira e të ndershme. Ai shtoi se kjo do të bindte edhe shoqërinë civile, do të ulte tonet e protestave e tensionet politike dhe do të ndihmonte në arritjen e paqes.
