Një shtetas shqiptar 39-vjeçar u vra me armë zjarri në një lokal në Orihuela Costa, Spanjë. Ngjarja ndodhi pak para orës 13:00 në kompleksin sportiv dhe argëtues Playa Flamenca Sport Club, në rrugën Nicolas de Bussi, në zonën Playa Flamenca, ndërsa mediat spanjolle raportojnë se viktima ishte ulur në tarracën e lokalit brenda kompleksit. Një person iu afrua, e qëlloi disa herë me armë zjarri dhe e la të vdekur në vend. Autori dyshohet se u largua me një monopatinë elektrike pas atentatit.
Dëshmitarët lajmëruan autoritetet dhe në vendngjarje mbërritën efektivët e Gardës Civile. Autoritetet kanë nisur hetimet për identifikimin dhe kapjen e autorit, dhe nuk përjashtohet pista e një larjeje hesapesh. Në vendngjarje punuan efektivë të sigurisë publike, agjentë të policisë gjyqësore dhe specialistë të laboratorit kriminalistik, të cilët kryen këqyrjen e vendit të krimit dhe mbledhjen e provave.
Kompleksi ku ndodhi vrasja përfshin ambiente sportive, fusha për padel, minigolf, bare, restorante dhe hapësira për fëmijë, çka bën pjesën e pamjeve dhe dëshmitarëve të mundshëm të shumtë. Pas njoftimit për të shtënat, në vendmbërriti një ambulancë e shërbimit të urgjencës SAMU; megjithatë, pavarësisht ndërhyrjes së ekipit mjekësor, 39-vjeçari nuk mundi të shpëtohej dhe mjekët konstatuan vdekjen, njofton Qendra e Informacionit dhe Koordinimit të Urgjencave (CICU).
Trupi i viktimës mbeti pranë tarracës deri në mbërritjen e autoriteteve gjyqësore, të cilat urdhëruan transportimin e tij në Institutin e Mjekësisë Ligjore në Alicante. Autopsia pritet të kryhet të mërkurën. Hetimet vazhdojnë për të zbardhur rrethanat e plota të ekzekutimit dhe për të identifikuar personin që dyshohet si autor; deri tani ai nuk është kapur.