Shtatë persona janë dërguar në spital pasi një makinë është përplasur me një "grup këmbësorësh" në Glasgow, bën të ditur policia.
Policia e Skocisë njoftoi se përplasja në rrugën "Hyndland Road", në pjesën perëndimore të qytetit, ka ndodhur të martën rreth orës 15:45, shkruajnë mediat britanike, përcjell Telegrafi.
Në një deklaratë thuhet: "Shtatë persona janë dërguar në spital për trajtim dhe vlerësim mjekësor pas incidentit, ndërsa drejtuesi i mjetit është kontrolluar nga personeli mjekësor në vendngjarje”.
"Efektivët e policisë ndodhen ende në vendngjarje dhe po vijojnë hetimet për incidentin, i cili po trajtohet si një aksident rrugor”.
"Rruga 'Hyndland Road' mbetet e mbyllur dhe qytetarët këshillohen ta shmangin atë zonë".
Shërbimi Skocez i Zjarrfikësve dhe Shpëtimit (SFRS) ka konfirmuar gjithashtu se është thirrur në vendin e ngjarjes. /Telegrafi/
