Bashkëkryetarët e VLEN-it, Bilall Kasami dhe Izet Mexhiti, kanë reaguar pozitivisht ndaj mundësisë që provimi i jurisprudencës të zhvillohet edhe në gjuhën shqipe, duke e cilësuar këtë arritje si një moment historik për studentët shqiptarë.
Në një mesazh të publikuar në rrjetet sociale, ata kanë deklaruar se ky zhvillim shënon një përparim të rëndësishëm për barazinë dhe respektin ndaj gjuhës shqipe.
Të lidhura
None found
“Premtimi u bë realitet, jurisprudenca flet shqip! Një ditë historike për studentët shqiptarë dhe një hap i rëndësishëm për barazinë dhe dinjitetin e gjuhës shqipe”, thuhet në reagimin e tyre.
Kasami dhe Mexhiti kanë nënvizuar se premtimet marrin vlerë kur shoqërohen me vepra, ndërsa studentëve shqiptarë u kanë përcjellë urimin: “Studentë të dashur, ta gëzoni këtë të drejtë!”.
Në fund të mesazhit, ata kanë uruar gjithashtu Festat e Nëntorit.
