Fund i papritur? Endrick e ka vendosur të largohet përfundimisht nga Real Madridi

Një kapitull që mund të mbyllet më shpejt nga sa pritej. Talenti brazilian Endrick duket se po mendon seriozisht largimin nga Real Madridi, pasi nuk po arrin të marrë minutat e dëshiruara në ekipin e parë.

Sipas raportimeve të Diario AS, Endrick është i hapur edhe për një largim të përhershëm nga madrilenët. Megjithatë, Real Madridi dëshiron të ruajë kontrollin mbi të ardhmen e lojtarit, duke përfshirë një përqindje nga shitja e ardhshme ose një klauzolë riblerjeje.

Fillimisht, braziliani pritet të largohet në formë huazimi gjatë merkatos së janarit, me synimin për të gjetur më shumë hapësira dhe për të fituar eksperiencën që i mungon aktualisht në Madrid.

Personalisht, nuk do të doja ta shihja Endrick të largohej nga Real Madridi, sepse talenti dhe potenciali i tij janë të jashtëzakonshëm. Por nëse nuk po merr minutat e nevojshme për t’u zhvilluar, atëherë është e kuptueshme që një largim mund të jetë zgjidhja më e mirë për karrierën e tij.

Real Madridi mund të humbasë një talent të madh, por Endrick ka nevojë për një klub ku mund të tregojë vlerat e tij.