Ilda Zhulali: Në qendër të diskutimeve në PE, qeveria kujdestare që ta përgatisë vendin për zgjedhje të lira dhe të ndershme

Nga Ilda Zhulali

Sot në Komisionin e Jashtëm të Parlamentit Europian u diskutua për Shqipërinë. Në qendër të diskutimeve të eurodeputetëve ishin shqetësimi për nivelin e lartë të korrupsionit, pastrimin e parave, dhe mbështetja për protestat që i kanë dhënë zë zemërimit popullor kundër qeverisë.

Kreu i delegacionit të Parlamentit Europian që vëzhgoi zgjedhjet në Shqipëri, Gahler, propozoi si zgjidhje paqtuese dhe shpresëdhënëse krijimin e një qeverie kujdestare që ta përgatisë vendin për zgjedhje të lira dhe të ndershme.

U kërkua gjithashtu që Komisioni Europian të vendosë kushte në Planin e Rritjes dhe ta lidhë çdo fond europian me zbatimin real të kërkesave të BE.