Kërcënim për bombë edhe në mbi 300 shkolla në Irlandën e Veriut, policia konfirmon alarmin e rremë

Botë | 8 minuta më parë

Mbi 300 shkolla në Irlandën e Veriut kanë marrë kërcënime për vendosje bombe përmes postës elektronike, duke shkaktuar alarm dhe evakuimin e disa institucioneve arsimore. Pas kontrolleve, Policia e Irlandës së Veriut (PSNI) konfirmoi se bëhej fjalë për një alarm të rremë. (Foto: Ansa/Epa)

Sipas autoriteteve, mesazhi ishte identik për të gjitha shkollat që e morën atë. Kërcënime të ngjashme përmes emailit kanë mbërritur edhe në disa institucione arsimore në Skoci.

Kontrollet e kryera nga policia nuk zbuluan asgjë të dyshimtë në ambientet e shkollave. PSNI bëri të ditur gjithashtu se mesazhet ishin dërguar nga një burim jashtë Mbretërisë së Bashkuar.

Ky nuk është rasti i parë i tillë. Një episod i ngjashëm ishte regjistruar edhe më 19 tetor, kur shkollat kishin marrë kërcënime të ngjashme.

bombe

Kërcënim

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.