Deputeti i Aleancës, Burim Ramadani, ka kritikuar Qeverinë për mënyrën e trajtimit të shtesave në paga për këshilltarët politikë dhe stafin mbështetës të ministrave, duke e krahasuar këtë me vështirësitë me të cilat, sipas tij, përballen pjesëtarët e Policisë së Kosovës për t’i realizuar kompensimet që u takojnë me ligj.
Në një deklarim të bërë sot në Kuvendin e Kosovës, Ramadani tha se Qeveria po ndan shtesa prej 30 për qind për këshilltarët politikë, shoferët dhe asistentët e ministrave, ndërsa policët detyrohen t’i drejtohen Gjykatës për të marrë kompensimet e tyre.
Ai i cilësoi personat që përfitojnë nga këto shtesa si aktivistë politikë të emëruar në pozita nga ministrat.
“Këshilltarëve politikë u japin 30% pagë shtesë, ndërsa policët duhet me i nxjerr përmes Gjykatave!”, ishte mesazhi i Ramadanit në Kuvend.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2026 Gazeta Online Insajderi - Të gjitha të drejtat e rezervuara.
