Jensen Huang ka dhënë dorëheqje nga pozita e drejtorit ekzekutiv të kompanisë teknologjike Nvidia, pas raportimeve për lidhje jashtëmartesore me një person të dyshuar si spiune kineze dhe një punonjëse të kompanisë.

Në vend të tij, përkohësisht do të emërohet drejtoresha financiare e Nvidia-s, Colette Kress, e cila do ta udhëheqë kompaninë deri në caktimin e një pasardhësi të përhershëm.

Bordi i drejtorëve të Nvidia-s ka konfirmuar largimin e Huangut, por në deklaratën zyrtare nuk ka përmendur skandalin e spiunazhit dhe raportimet për jetën e tij private. Në vend të kësaj, bordi ka vlerësuar kontributin e tij në zhvillimin e kompanisë, të cilën e bashkëthemeloi.

Në deklaratën e bordit thuhet se Huang ka dhënë një kontribut të jashtëzakonshëm për kompaninë dhe industrinë e teknologjisë.

“Kontributi i Jensenit në Nvidia është i jashtëzakonshëm. Nvidia është një nga kompanitë më me ndikim në botë në fushën e teknologjisë. Bordi dhe kompania e falënderojnë Jensenin për kontributin e tij të pallogaritshëm ndaj kompanisë dhe industrisë”, thuhet në deklaratë.

Disa ditë para dorëheqjes, bordi i Nvidia-s kishte angazhuar një nga firmat më të njohura ligjore amerikane, Wachtell, Lipton, Rosen & Katz, për të zhvilluar një hetim të pavarur lidhur me raportimet për marrëdhënien e Huangut me Alice Huang, e cila nuk ka lidhje familjare me drejtuesin e kompanisë.

Sipas raportimeve, Alice Huang dyshohet nga autoritetet amerikane se ka lidhje me inteligjencën kineze.

Huang kishte pranuar më herët se kishte pasur një lidhje jashtëmartesore, për të cilën kishte kërkuar falje ndaj familjes dhe punonjësve të kompanisë.

Ndërkohë, raportimet e fundit kanë përmendur edhe një marrëdhënie tjetër të dyshuar të Huangut me një punonjëse të Nvidia-s.

Huang ishte një nga bashkëthemeluesit e Nvidia-s në vitin 1993 dhe e drejtoi kompaninë për më shumë se tri dekada, duke e shndërruar atë në një nga prodhuesit më të rëndësishëm të çipave për inteligjencën artificiale, raporton The Guardian, përcjell Insajderi.

IN Promo Marketing

Telefoni që dikur konsiderohej i pariparueshëm, sot mund të ketë një shans të dytë – ZONE Mobile ngrit nivelin e...

Barni – ëmbëlsia e fëmijërisë

Prishtinë–Basel, dy fluturime në ditë me PrishtinaTickets – rezervoni tani!