Ambasadorja Walt ka vizituar dy nga sitet e Trashëgimisë Botërore të UNESCO-s në Shqipëri, qytetin e Gjirokastrës dhe Parkun Arkeologjik të Butrintit, shkruan Telegrafi.
Përmes një postimi, Ambasada e Zvicrës në Shqipëri e ka cilësuar vizitën si një përvojë të mrekullueshme, duke veçuar Gjirokastrën, të njohur si qyteti i gurtë, dhe Parkun Arkeologjik të Butrintit.
“Një përvojë e mrekullueshme vizita në dy nga sitet e Trashëgimisë Botërore të UNESCO-s në Shqipëri: Gjirokastër, qyteti i gurtë, dhe Parku Arkeologjik i Butrintit. Dëshmi të historisë së pasur të Shqipërisë”, thuhet në postimin e ambasadës.
Në fund, ambasada u ka bërë thirrje vizitorëve që të mos i humbasin këto destinacione gjatë udhëtimit të tyre të ardhshëm në Shqipëri.
“Mos i humbisni këto destinacione spektakolare në udhëtimin tuaj të ardhshëm!”, thuhet në postim./Telegrafi/
