Në margjina të Samitit IX të Komunitetit Politik Evropian në Dublin, kryeministri Albin Kurti zhvilloi një takim me sekretarin e përgjithshëm të NATO-s, Mark Rutte.
Sipas Kurtit, në takim u diskutua për bashkëpunimin mes institucioneve të Republikës së Kosovës dhe KFOR-it, si dhe për mundësitë konkrete për ta zgjeruar e thelluar atë. Pjesë e bisedës ishin edhe zhvillimet aktuale dhe situata e sigurisë.
Të lidhura
None found
Kurti shkroi se anëtarësimi në Aleancën Veriatlantike është prioritet strategjik për Kosovën. Sipas tij, realizimi i këtij synimi do t’i shërbente paqes së qëndrueshme dhe sigurisë afatgjatë në Ballkanin Perëndimor dhe në mbarë kontinentin.
Ai theksoi gjithashtu se angazhimi i NATO-s në rajon mbetet i rëndësishëm përballë rreziqeve dhe ndikimit të aktorëve të jashtëm.
