Gjykata e Apelit la në fuqi vendimin e Gjykatës së Shkallës së Parë të Shkodrës për Izmir Sakicën, Samuel Troshanin dhe Arlind Kajoshin. Tre të pandehurit ishin shpallur fajtorë vetëm për veprën penale të “prishjes së qetësisë publike”.
Vendimi lidhet me ngjarjen e vitit 2024 në Shkodër, kur tre personat dhunuan 64-vjeçarin Vladimir Bruçi pas një konflikti verbal për një vend parkimi.
Të lidhura
None found
Për veprën penale për të cilën u shpallën fajtorë, të pandehurit përfitojnë nga amnistia, ndaj çështja pushohet. Apeli vendosi pushimin e çështjes edhe për akuzat e tjera, në zbatim të ligjit nr. 57/2026 “Për Dhënie Amnistie”.
Prokuroria e Shkodrës kishte kërkuar për të tre një dënim total prej 24 vitesh burg, por Apeli vendosi të mos e pranonte ankimin e saj kundër vendimit të shkallës së parë.
