UEFA ka përcaktuar ekipin e arbitrimit për përballjen Kosovë – Izrael, që do të luhet të shtunën, nga ora 15:00, në stadiumin “Fadil Vokrri”, në kuadër të Ligës së Kombeve.
Takimin do ta drejtojë gjyqtari sllovak Ivan Kruzliak. Si gjyqtarë anësorë janë emëruar bashkëkombësit e tij Branislav Hancko dhe Jan Pozor.
Të lidhura
None found
Edhe detyra e gjyqtarit të katërt i është besuar një sllovaku, Peter Kralović, kështu që pjesa kryesore e ekipit të arbitrimit në fushë do të jetë nga Sllovakia.
Për sistemin VAR, UEFA ka caktuar skocezin Andrew Dallas, ndërsa ndihmës i tij do të jetë sllovaku Martin Dohal.
Në këtë ndeshje, “Dardanët” do të synojnë një tjetër rezultat pozitiv në Ligën e Kombeve.
